انا عشقك
تنفس بعمق و هو يقول بضيق
– أنا حاسس إني السبب في اللي حصل دا
يا رتني ما قلت لعبد الكريم إني عجبني شغل مراتك و لا إني لازم اتعامل معاها أنا كمان زي شهاب
– لا مش أنت السبب السبب اللي اسمها نبيلة اللي معملتش حساب لجوزها و لأ سمعتها و شر فها
أنا بفكر اروح اقول لعبد الكريم يرجعها و خلاص
و افرض قالك قول الحقيقة هتعمل إيه ؟! و قالك اشهد بالحق مراتي كانت بتروح قبل المرة اللي شافها فيها و لالا هتقول إيه؟!
هقوله يا تولين ما هي ملهاش حل تالت هاقول و هما الأحرار و يارب. يو لعوا في بعض كلهم أنا مالي بقى .
ربتت على كتفه و قالت بنبرة حانية
– طب يا روحي متزعلش نفسك صحتك عندي بالدنيا بحالها يا حبيبي
جلست على فخـ ـذيه و بدأت في تصفيف خصلات شعره بأناملها، نظر لها و قال بنبرة تملؤها الحيرة
– حبيبك مش عارف يلاقيها منين ولا منين !
– روق كدا بكرا ترق و تحلى و بعدين أنت شايل هم الدنيا ليه واحدة معملتش حساب لسُمعتها نعمل احنا ليه بقى !!
– عشان دي كلمة حق هنتحاسب عليها يوم الدين يا تولي .
❈-❈-❈
في عصر اليوم التالي
جلس “بدران” داخل منزل والد نبيلة يستمع لهذا و ذاك ما إن هدأ الأمر تحدث بما يعرفه لكن قاطعه عبد الكريم و قال بضيق
– قل لي يا بدران قبضت كام من شهاب ؟!
– مش هحاسبك على دا دلوقت وهصبر لما تروق بس أنا قلت حق ربنا
سكت الجميع مليًا بعد أن ختم بدران كلمته ليتحدث عبدالكريم ما لا يتوقعه إحد و قال :
– لو عاوزين نبيلة ترجع لبيتها أنا موافق بس بشرط
سأل الجميع في آنٍ واحد قائلين
– خير ؟!
أجابهم عبدالكريم و قال بهدوء حد الاستفزاز
– نبيلة تروح البشعة
رد بدران بذهول و قال:
– أنت بتقول إيه أنت اكيد اتجننت
– دا اللي عندي نبيلة تروح البشعة وبعدها ترجع لي و ترجع لبيتها و لا ترجع بفـ ـضيحة
وقفت أمامه و رفضت هذا الطلب لكن قال والدها
– و أنا موافق بنتي تروح البشعة يا عبد الكريم
نظرت نبيلة لـ والدها بخزي و حزن ثم قالت:
– بابا أنت عاوزني اروح هناك !!للدرجة مش واثق في بنتك ؟!
رد والدها بعتذار
-معلش يا بنتي ما هي دي اللي هاتثبت انك بريئة
سألته بمرارة من بين دموعها و قالت :
– و تربيتك ليا و ثقتك دول كانوا ؟!! هتكدب بنتك و تصدق البشعة !!
