عرف صعيدى بقلم تسنيم رشدى ١

وصلت طيارت سليم وهنا مصر وخرجوا من المطار فضلت هنا طول الطريق تحاول تتصل بتالا لكن التلفون مقفول
سليم لسه برده مردتش
هنا لا مش عارفه فى ايه دى كانت كل يوم بتكلمنى مرتين على الاقل انا خاېفه عليها
سليم قلق انشاء الله خير هى قالتلك نازله فين
هنا فى فندق. تعرفه ده
ابتسم سليم اكيد اعرفه يالا نروحلها على هناك
بعد نص ساعه وصلوا الفندق ودخل سليم سال عليها فى الاستقبال لو سمحت تالا سليم العادلى نازله هنا
موظف الاستقبال ثانيه واحده .. ايوا يافندم بس هى خرجت من الصبح ولسه مرجعتش يافندم
هنا بصت لسليم پخوف هتكون راحت فين
سليم اخدها وخرج من الفندق جربى اتصلى بيها تانى
اتصلت هنا وبرده مش بترد اعمل ايه انا خاېفه عليها
سليم هى ماتعرفش حد هنا خالص
هنا بتفكير جاسر !!
سليم مين جاسر
هنا كان زميلها فى الشغل فى لندن وكانوا بيحبوا بعض بس هو اضطر يرجع مصر علشان والدته ومن ساعتها منعرفش عنه حاجه
سليم وانتى تعرفى عنوانه طيب
هنا لا معرفش ولا تالا تعرفه
سليم اتوتر مش عارف يعمل ايه بص لهنا الى عماله تحاول تتصل بيها طيب تعالى نسبلها رقمك فى الريسبشن علشان لما ترجع تتصل بينا
هنا واحنا هنروح فين
سليم هنروح الفيلا عندى
هنا لا انا هنزل فى الفندق هنا يمكن ترجع فى اى وقت
سليم طيب هحجز لك في الفندق هنا وانا هارجع الفيلا هاطمئن على بيرى وهروح الشركه اسال يمكن تكون راحتلى وهرجعلك على طول تكون رجعت انشاء الله
هنا بصتله قوى كانت لسه هتلومه بس قالت لنفسها ما التانيه بنته برده طيب روح انت وربنا يستر
سليم متقلقيش خير انشاء الله

عند بدر كان بدا يفوق شويه بعد ماالحراره نزلت فتح عنيه لقى مريم نايمه على الكرسى جنبه فضل عنيه عليها وابتسامه اترسمت على شفايفه وسرح فى ملامحها قد ايه جميله كان حاسس انه اول مره يشوفها حس ان ريقه ناشف حاول يقوم مقدرش مد ايده يجب المايه الكوبايه وقعت اتكسرت قامت مريم مفزوعه فى ايه
بدر بصلها يهديها اهدى انا اسف خضيتك انا بس كنت عايز اشرب ومقدرتش اقوم
مريم ردت عليه وهى بتلم الازاز طيب ماندتش عليا ليه وانى اچبلك مايه
بدر بصلها پخوف طيب سيبى الازاز ده لتتعورى انا هقوم المه
مريم لا ماتخافش انى خلصت خلاص وانت متجومش انت تعبان
مريم خلصت وراحت جبتله مايه شرب