عرف صعيدى بقلم تسنيم رشدى ١

تانى يوم جاسر اخد صفاء وراح للدكتور دخل الدكتور كشف عليه وقعدت قصاده انا مستغرب اذاى الذاكره مطوله معاك قوى كده انت وسط اهلك وتقريبا التجلط اقل جدا يبقى ازاى العلاج مش جايب نتيجه
جاسر انا باخد الكبسولات على طول زى مانت قولتلى بس مش حاسس بتحسن وكل لما احاول افتكر دماغى بتصدع جدا
الدكتور الكبسولات معاك
طلع جاسر العلبه وعطاها للدكتور الى فتحها كان بيبص الماده الفعاله قد ايه بص لبدر باستغراب الكبسولات دى مش هى الى المفروض تاخدها ياجاسر
صفاء ازاى يادكتور ماهى الى حضرتك كتبتها
الدكتور ايوا العلبه هى بس الكبسولات متغيره
جاسر بص لامه ورجع بص للدكتور متغيره يعنى ايه
الدكتور انا مش عارف ازاى العلبه هى والى جواها متغير
صفاء طيب يمكن تكون غلطه من شركه الادويه
الدكتور لا ياحاجه معتقدش انهم يغلطوا الغلطه دى ابدا
جاسر انا مش فاهم حاجه يعنى انا طول الفتره دى باخد علاج غلط
الدكتور انا كده فهمت ليه طولت ان الذاكره ترجعلك
جاسر والاقراص دى بتاعت ايه
الدكتور اعتقد انها مسكن مش اكتر
جاسر بتوهان ومين الى ممكن يعمل فيا كده مين الى مش عايزنى اتعالج
صفاء بصتله قوى بزهول وقالت لنفسها مش ممكن توصل بيهم لكده مستحيل _______
تانى يوم فى بيت الدهاشنه كان بدر واقف قصاد امه الى اخده يونس فى حضنها ودموعها مغرقه وشها وجنبه مريم الى متأثره وموعها نزلت هى كمان بدر قرب من سعديه وخدها فى حضنه وابتسم ممكن اعرف ليه كل الدموع دى عاد هو احنا مهاچرين ياحاچه دا يادوب كام ساعه ونكون اهنه وجت ماتعوزينا
سعديه بعدت وبصتله بعتاب انى خابره زين انك معاتچيش الا كل فين وفين ومعتفركش فيا وبصت لمريم وانتى زيه بكره تنسينى
قربت مريم حضنتها بدمو ع اكده ياخالتى انتى شيفانى اكده الله يسامحك هو انى ليا غيرك فى الدينيا دي
سعديه ياسلام كلى يابت بعجلى كلى
قرب صالح الى قاعد متابع من بعيد انى مش فاهم انتى جالبه الدينيا مناحه من الصبح ليه هما كفاله الشړ رايحين ومعيرچعوش
سعديه بصتله بغيظ اباه عليك ماهو صدج من جال الراچل جلبه كيف الحچر وانت هيهمك ايه وانى يعنى ليا غيرهم مالين عليا الدار
صالح برق واه انى جلبى كيف الحچر ياسعديه
سعديه ايوا مش صعبان عليك فراج الولد الصغير
بدر بصلها قوى جولى بجى اكده يعنى مش فراج بدر ومريم الى وچعين جلبك
سعديه وهو يعنى يونس مش حته منيك واكيد محبته فى جلبى هتبجى كيف محبتك
مريم خلاص ياخالتى وعد كل لما يتوحشك يونس هچيبه واچى على طول اتفجنا اكده
سعديه ماشى ربنا يكتبلكم الخير والزريه الصالحه
بدر بص لمريم الى سهمت للدعوه ووشها احمر بدر شال الشنط بعد ماسلم على ابوه وامه وراح بيهم على العربيه ووراه مريم ويونس