دكتور النسا وحرمه
وغادرت سريعاً فبعد ان اخبرتها الممرضة بحالة زوجة “عنان” لم تكن تصدقها ببدء الأمر ولكن الوضع الآن بات اكثر خطورة، ترقب عنان إنغلاق باب الغرفة لينقض عليها وهو يردد بوعيد:
_وعهد الله لأخلص عليكي في التو والحال ويبقى أول طبيب مصري اصيل يق..تل مراته وهي طالعه من العمليات عشان جابتله ولد….
ابعدت يديه عن عنقها وهي تصيح به بألم مصطنع:
_وأنت فاكر ان ابني هيسيبك، وبعدين وسع كدا بطني لسه اخده تلاته وتلاتين غرزة..
رمقها بنظرة جانبية مشككة فقال:
_كان نفسي اخيط لسانك السليط داا…
على بكاء الصغير وهو يبكي بصوته البريء، فتوقف محله ببسمة هادئة وهو يقترب من الفراش ليحتضنه بحنان متاملاً ملامحه الصغيرة، لتتحول نظراته لصدمة حينما صرخت “اسراء” بصوتها المزعج قائلة:
_يالهوووووووي الحقوووووني بيخطف ابني وهو لسه حتة لحمة حمرا يا جدعااان، يا حكووووومة يا منظمات اتحاد اسرة النساااااااء يا بوووليس!!!..
الفصل_الرابع…
(واجب التنويه ان احداث النوفيلا خيال ولا يمت للواقع بصلة، قراءة ممتعة♥…)..
كمم فمها بيديه وهو يهمس جوار أذنيها بغيظْ:
_هقت..لك يا “إسراء” وربنا…
سألته بإندفاع وهي تبعد يديه عنها:
_هتقت..لني عشان بدافع عن ابني اللي عايز تخطفه وهو حتة لحمة حمرا…
أصابه الدوار فكاد بالسقوط أرضاً ورغم ذلك تماسك لأبعد حد، فقال ويديه تحتضن مقدمة أنفه:
_هو أنا عملت حاجة يا ماما أنا ببص على الواد، بطمن طالعلي ولا طالع زيك عشان لو طلع زيك أبدله بكرامتي مع أي واحدة والدة بالمركز أهو أكرم من الجنان اللي هشوفه على أيده…
لفت يدها حول عنقه وهي تضغط بقوة قاصدة ق..تله:
_نهارك أسود عايز تبدل ابني!! ، دا أنا أروح فيك في داهية…
أبعدها عنه بصعوبة وهو يلوح لها بذراعيه وبالأخرى يتفقد عنقه:
_حلي عني أنا لسه عندي حالة ولادة ومحتاج عقلي وقوتي…
وتركها وهرول سريعاً للخارج، فجذبت هاتفها الموضوع على الكومود الصغير جوارها وهي تردد بتوعد:
_بقى عايز تبدل الواد ماشي يا عنان أصبر بس على رزقك..
كتبت على الهاتف أحد الأرقام ثم رفعته بإنتظار سماع صوت المتصل، فقالت:
_لو سمحت كنت عايزة أبلغ عن أب عايز يبدل بنته بولد…
لأ بقولك أيه أنت هتقعد تستغرب والراجل هيبدل البت بولد وأتوه أنا وتبقى قض..ية شرف!!، دا أنا في لحظة أطلعلكم لايف هنا وأشهد الناس عليكم وأعملكم فضايح…
