عذبني حبك

ايهاب هقولك وتحاول تنفذه باسرع ما يمكن،،،، ويملي عليه ما يريده منه، ويطلب انه يكون في سريه ولا يخبر به احد

فارس؛ اشطا ياهوبا، اديني يومين بالكتير، وهكلمك واقولك عملت ايه

ايهاب بحب يرد،،،

– متحرمش منك يارب، واول ما نرجع لينا سهرة حلوه مع بعض

فارس؛ بإذن الله تعالى، تروح وترجع بالف سلامه ياصاحبي

ويغلق معه ويتوجه الي نور فيجدها في انتظاره مبتسمه ابتسامه مشرقه كعادتها، ويستقلون السيارة برفقه السائق، ليقوم بايصالهم الي مطار القاهره الدولي، وبعد مضي اقل من ساعه تصل السيارة، ويتجهون الي الداخل، لينتهوا من الإجراءات، وبعد مضي بعض الوقت تصعد الطائره الي لبنان، لنبدأ رحله حب وعشق بين العشاق.

ايهاب ينظر لها محاولا اقناعها فيقول،،

– حاولي تنامي شويه يانوري لسه بدري عقبال ما نوصل

نور تنظر له بحب ثم تردد قائله،،

– تؤ تؤ انا اخدت غفوه حلوة بعد ما نيمتك، ومش عايزة انام

ايهاب ممسك بيديها كانه خائفا ان تتركه او تهرب منه

– نور انتي سافرتي لبنان قبل كده

نور؛ مش كتير مره او اتثين بكتير وانت

ايهاب محتضنا يداها، وينظر لها مرددا،،،

– جيت حفلات هنا كتير، بس المره دي مختلفه عن كل مره

نور تداعبه بخفه، فتضع يدها علي ارنبه انفه وتمازحه برقه…

– اممم اشمعني بقي ياسيدي مختلفه

ايهاب ويرد لها نفس حركتها، مع غمزة من عينيه اليسري،،،،،،

– عشان حبيبي وروح قلبي منور دنيتي معايا

نور وعلي وجهها بعض الحزن وعدم التصديق تردد،

– بجد يا ايهاب انا دنيتك، وحبيبتك، وروحك كمان، اوعي تكون بتكدب عليا، او بتضحك وتلعب بمشاعري، اوعي لو اكتشفت انك بتمثل عليا، انا ممكن يجرالي حاله، مش هستحمل ابدا، الا الخيانه ووجع القلب يا ايهاب، ممكن يكسروني، ووقتها هيكون الموت اهون عليا

ايهاب ينظر لها يتعجب من حديثها، ويضع يده ليمسح دمعه خائنه فرت من مقلتيها ويسالها..

– ليه يانور لحد دلوقتي مش مصدقه اني بحبك، وانك بقيتي كل حاجه ليا، انا عملت ايه غلط يخليكي تخافي مني، انا زيك بالظبط اكتر حاجه توجعني الخيانه، والغدر

نور بتنهيده،،،

– معملتش بس يمكن عشان مش قادرة اصدق نفسي انك ليا، حاسه ان في حاجه هتحصل وفرحتي بيك مش هتكمل، خايفه اصحي من الحلم اللي عايشه فيه، علي كابوس يدمر حياتي كلها، انت كنت ومازلت زي النجمه اللي في السما مستحيل الوصول ليها ابدا، فازاي بقي في يوم وليله تكون بين اديه، ولمساها، وحساها بأديه