عذبني حبك

شكلك تعبان ومرهق اوي ياحبيبي، انت تشرب الشاي، وتحاول تستريح وتنام ساعتين كده، لسه بدري علي معاد الطيارة

ايهاب ينظر لها ويقول،،

– واتحرم منك الساعتين دول، مش كفايه الوقت اللي ضاع ومكنتيش معايا فيه

نور ممسكه بيده ثم تقول له،،،

– طب مش هسيبك غير لما تنام ايه رايك، المهم ترتاح، خلص الشاي وتعالي عشان تنام

ايهاب؛ ان كان كده معنديش مانع، مش مهم الشاي دلوقتي

نور مبتسمه ثم ترد عليه،،،

– والله انت عامل زي الطفل لما يجري في حضن امه عشان تحكيله حدوته

ايهاب ينظر لها بشوق ثم يقول،،،

– تصدقي صح، هو ده احساسي دلوقتي، حاسس انك امي، وهتخديني في حضنك وتنيمني وتحكيلي حدوته قبل النوم

نور بضحكه،،،

– تعالي ياابني بقي في حضن ماما

ايهاب يضحك ويقربها اليه ثم يهمس لها مرددا،،،

– تعالي ياماما حضنك وحشني اووي

نور محذره،، ؛ نام بأدب ياهوبا

ايهاب؛ حاضر بس احكيلي حدوتة

# عذبني حبگ بقلم إيمووو كمال

نور وهي بعبث في شعره ؛ كان ياكان ولا يحلي الكلام الا بالصلاة علي رسولنا الكريم، كان في بنت جميله اسمها نور، كان كل حلمها في الدنيا نشوف حبيبها وفارس أحلامها ايهاب، ويخطفها علي حصانه الابيض ويجري بيها ويهرب لمكان بعيد اوووي ، مفهوش حد غير هو وهي وبس، ويعيشوا في جزيرة حبهم اللي هيملي الكون كله ويفيض،،، هوبا انت نمت
اظاهر انت سافرت مش نمت، نوم العافيه ياحبيبي

وتتركه نور وتنصرف في هدوء، لتتوجه الي غرفتها تجهز ما تبقى لها لتصبح شنطه سفرها جاهزة، فتظبط المنبه لينبها بعد ساعتين، حتي تقوم باستيقاظ إيهاب، فقررت ان تغفل وترتاح بعد عناء يوم طويل

“باك”

هادي؛ هااا سكتي ليه

نور : ابدا يادكتور ذكرت لحظات مرت عليا، كانها لسه في وقتها حالا

هادي؛ ده شئ طبيعي لانك بتحكي بكل احساسك، ومن الواضح انه حبك بجد يانور

نور بغضب وحده قالت،،،،

حبني اي حب ده اللي بتقول عليه، هو اللي بيحب حد يدمره، يذبحه بسكينه تلمه، يشوفه بيموت امام عينه ولا يفكر حتى ينجده، مش ممكن يكون حب ابدا يادكتور، ولو ده الحب يبقي مش عايزاه، ولا حتي عايزه اشوفه،

هادي بهدوء قال،،،

ممكن تهدي يانور ارجوكي، حاولي تسيطري علي انفاعلك، واهدي

نور بتنهيده عاليه ترد عليه مردده،،،

– انا مش قادرة اصدق ليه عمل فيا كده، ليه بعد ما كنت في سابع سما، نزلني لسابع ارض ليه انا عملت فيه ايه، انا قدمت كل الحب، مبخلتش عليه بهتمامي، ولا عشقي ولا خبرتي في الشغل، قدمت كل حاجه، ومأخدتش غير الغدر، الالم، والعذاب، حسرة السنين، وبعد كل ده تقولي حب، ملعون ده حب