عذبني حبك

هادي ينظر اليها ويقول بنبره هادئه،،، ؛

– خلصتي كل اللي عايزة تقوليه، اسمعيني، انتي مش هترتاحي يانور غير لما يجي اليوم المناسب وتواجهي ايهاب بكل ده وتسمعيه، يومها هتطلعي كل الغضب المشحون جواكي، وهتبقي اقوي من كده، انا بكره في اول جلستنا هخليكي تكلمي والدك ووالدتك باذن الله، ودلوقتي برغم اني مشتاق اعرف ايه اللي حصل في لبنان، بس لازم انهي جلستنا ونتقابل غدا

نور؛ اوك يادكتور، في انتظارك غدا، وشكرا علي مكالمه بابا

هادي ببتسامه يقول؛ العفو ياستي، انا تحت امرك

نور بنظره امتنان تقول،،،

-ربنا يخليك يادكتور، والف مبروك، ياريت تباركلي للعروسه

هادي بنظره فرحه يرد،،،

– الله يبارك فيكي، يوصل وعقبالك

نور بحزن؛ شكرا

وينصرف هادي ليتوجه الي مكتبه ويجلس هادي في في تفريغ حواره مع نور، فيطرق الباب، ليدخل عليه صديقه د معتز غاضبا وعلي وجه اثار الغضب الشديد فيساله هادي

– مالك يامعتز مش طايق نفسك ليه كده

معتز يتأفف بضيق ثم يقول،،،

– هو ايه بس يا هادي يا اخويا اللي يخلي الواحد يطيق نفسه

هادي بهدوء يقول،،،

احكيلي مالك براحه كده من غير نفخ ولا غضب

معتز بنبره ضيق وغضب، يرد،،،

– اقولك ايه بس، مراتي ياسيدي مش عايزة تصدق اني دكتور نفسي، مش زي باقي الدكاترة، اللي الفيزا بتاعتهم بتعدي، مش مبطله طلبات، واحتياجاتها كل شويه عايزة عايزة، ولو قولت مفيش، مخلص تقولي امال انت دكتور ازاي، ياريتك كنت بتاع اسنان، ولا عظام، ولا جراحه، لا حتى نسا، بلا هم والاسم متجوزة دكتور

هادي بنظرة أسف قال،،،

معلش يامعتز، حاول تحتويها، وتفهمها بهدوء، ان ده القسم اللي انت حبيته، عشان كده اتخصصت فيه، يمكن لو كنت في اي قسم تاني مكنتش بقيت ناجح ومشهور

معتز بنبره غضب، يقول،،،

– بقولها والله ياهادي، بس مفيش فايده، هي عايزة بس طلباتها تكون مجاوبه وبس

هادي؛ طب حاول تشتغل في مكان تاني بعد الظهر، وتزود دخلك

معتز بنبرة تمني يقول،،،

– ياريت والله معنديش مانع، علي الاقل ارتاح منها

هادي يصمت قليلا ثم يقول،،،

– طب انا هكلملك دكتور صاحبي، فاتح عياده وكان مشغول عنها وبيفكر يقفلها، هكلمه عليه تمسكها بداله وهو من وقت للتاني يباشرها معاك، ايه رايك

معتز بفرحه يقول،،،

– والله ده هيبقي جميل فوق راسي ياهادي، وتبقي خدمتني خدمه العمر