حكايات روماني١
وش أيمن اتخطف، والضحكة اختفت من على وشه:
— «عقود إيه ومسودات إيه يا عم أنت؟! إنت هتهزر؟»
بس خلاص.. اللي اتكسر عمره ما يتصلح، والوقت كان فات.
المستخبي بان
منى أخدت عيالها، “يوسف” و”جنى”، ومشيت من غير ما تخش في مهاترات ولا نقاش مالوش لازمة.
الملف اللي كان في إيدها كان جواه المصيبة: وثائق، وفواتير أثاث، وصور لشقة فاخرة في التجمع الخامس.
أيمن اللي كان بقاله شهور بيتحجج ويقول إنه مش قادر يدفع مصاريف مدرسة يوسف ولا يعمل تقويم سنان لجنى ويقول «العين بصيرة والأيد قصيرة».. طلع دافع أكتر من مليون جنيه مقدم لشقة الهانم جديدة! والمصيبة الأكبر؟ إن الفلوس دي اتسحبت جزئياً من الحساب المشترك اللي كان بينه وبين منى!
تليفون منى اهتز.. رسالة من صاحبتها الانتيم “نورا”:
> “إوعي تردي عليه ولا تدي له فرصة يتكلم! اطلعي على المطار فوراً.. العيادة على وشك تبعت نتائج تحاليل الحمض النووي (DNA) والدم.”
>
لحظة المواجهة
على الناحية التانية، نزل أيمن وسابق الوقت، وقال بحدة:
— «قبل ما نكمل اللعب ده، فيه حاجة لازم تتوضح فوراً!»
أيمن ابتسم غرور تاني وهو فاكر نفسه مسيطر:
— «إيه؟ هو الواد جرى له حاجة ولا إيه؟»
الدكتورة ردت ببرود:
— «الحمل ماشي تمام ومفيش أي مشكلة صحية..»
الحجة زينب ضمّت إيديها على بعضها، ونفخت بقلة صبر وهي بتبص للسقف وبتدعي:
— «يا دكتورة إنجزينا بالله عليكِ، في إيه تاني عاوزة توضحيه؟»
#الكاتب_رومانى_مكرم_
الدكتورة بصت لـ أيمن ووالدته وقالت بكل هدوء:
— «يا أستاذ أيمن.. نتيجة التحاليل والمتابعة بتقول إن الحمل ده ملوش أي علاقة بيك أصلاً!»
أيمن وشه جاب ألوان، والابتسامة اتجمدت على شفايفه، بينما الهدوء كنس الأوضة تماماً.. وفي اللحظة دي بالذات، طيارة منى وعيالها كانت بتبعد عن القاهرة، بعد ما سابته يشرب من نفس الكأس اللي سقاهولها.
بعد ما الدكتورة خلصت جملتها، أيمن فضل واقف مكانه كأنه مش فاهم اللغة اللي بتتكلم بيها.
بص لها مرة، وبص لأمه مرة، وبعدين ضحك ضحكة قصيرة متوترة وقال:
— «إنتي بتقولي إيه يا دكتورة؟! ملوش علاقة بيا إزاي يعني؟!»
الدكتورة حطت الملف قدامها وقفلت القلم بهدوء.
— «زي ما سمعت يا أستاذ أيمن. التحاليل اللي طلبتوها عشان تطمنوا على الحمل أثبتت إن مفيش تطابق بين العينة اللي اتاخدت منك وبين الجنين.»
