بنت العشر سنين
أنتِ مدركة أنك هتتعـ.دمي؟؟”
قلتها للست لي قاعدة براحة قدامي ، كانت ساكتة بطريقة عجيبة ، عينيها فيها قبول بالمصير ، البني آدم عادة لما يعرف أن المـ.وت بيستناه بيخاف ، خصوصا لو إعـ.دام ، آه تعددت الأسباب و الـ.مـ,ـوت واحد ، بس بردو ايه سبب راحتها ؟
” ما أنا عارفة ، ليه بتفكرني كل دقيقة يا حضرة الضابط سليم؟؟”
قالتها بتهكم زي العادة ، معرفتش دا برود و لا تمثيل القوة ،
زعقت بعصبية:” بطلي استعباط ، بطلي دور القوة دا لي عايشاه ، ازاي مش خايفة ؟ انتِ قاتـ.لة روح ؟ عارفة يعني ايه قاتلـ.ة ؟؟ ايديك اتلطخو بالـ.دم يا باردة”
لاقيتها ابتسمت ، بس بكسرة ، و سكتت ، فاضل 3 ساعات على ميعاد الإعـ.دام ،
أول مرة أكون متوتر ، رغم أنها مش أول ست تتعدم و أكون شاهد ، بس حسيت أن في القضية لغز مش عايزة تقولو
حاولت أتكلم بالهداوة:” ست لبنى ، أنتِ قلتِ أنك ** أخو جوزك عشان هددك يفضحك أنك سارقة مبلغ مالي مختلس من الشركة لي انتِ شغالة فيها، و قلتِ انك تحت تأثير ضغط عصبي بسبب مـ.وت بنتك ، فهل دا منطقي بالنسبالك ؟؟ ”
لبنى بشرود:” مبقاش منطق في الدنيا دي ، الزمن لي احنا فيه وحش ، مخيف يا سليم ، مفيهوش أمان أبدا و أنا ملاقيتش لي يجبلي حقي ، فخدتو بايديا ”
اتنرفزت من الإجابة ، مش دا لي انا عايزو ، مستحيل مهندسة شاطرة زيها تقتـ.ل بسبب الضغط ، مرتبها كان محترم ، و هي معروفة بأخلاقها وسط جيرانها لي استغربو الجـ,ـريمة دي ، كذبو لي سمعوه ، قالو لبنى متعملش كدة ، مش بنتنا لي تعمل كدة شوفو المجرم الحقيقي ،
قعدت على الأرض جنبها في الزنزانة ، ربعت و أنا حالف ما خارج إلا و حل اللغز في دماغي ،
سليم بعناد:” عارف اني أناني ، بس شاك لأ متأكد أن وراكي سر أعمق من دا ، و انتِ مش راضية تقوليه ، مخبياه عن الكل ، و فضولي **و أعرف ايه لي وراكي ”
بصتلي بنظرة فيها وجع ، حرقة ضنا ، حسيت أني حطيت الملح على الجرح ،
لبنى بدموع:” يهمك في ايه ؟ قولي؟ هتقدر تغير حاجة لو عرفت ؟ هتغير الحكم ؟ أنا راضية ، لأ أنا عايزة امـ,ـوت يا سيدي ، من بعد مـ.وت بنتي مش عايزة حاجة من الدنيا الظالمة دي ، فابعد عني و متدخلش في لي ملكش فيه لو سمحت ”
بعدت وشها و قعدت على حالها لنص ساعة ،
حاولت أفك الجو دا ، و قلت بهدوء:” عارف حرقتك على بنتك ليها دخل ، و حكاية الفلوس ملهاش ستين لازمة ، يمكن استخدمتيه حجة واهية ، يبقا في سر أعظم ، قولي ، احكي الله يخليكي ، مش قادر أتقبل تكوني مظلومة و نظلمك احنا كمان”
