ليان

ابو ليان بصله وقال له انا شفت اللي انت عملته مع بنتي، وشفت انك اتغيرت، بس القرار مش قراري، ده قرار ليان، لو هي وافقت انا موافق.

آدم طلع لليان اللي كانت واقفة في البلكونة، قال لها يا ليان انا عارف اني مكنتش الراجل اللي تحلمي بيه، بس انا مستعد افضل طول عمري اثبتلك اني استاهلك، انا بحبك من وانتي قد كده، وعمري ما هحب حد غيرك، تتجوزيني.

ليان دموعها نزلت وقالت له ايوة يا آدم موافقة، انا كنت غبية لما كنت شايفاك بلطجي، انت اطيب واجدع راجل شفته في حياتي، وانا كمان بحبك من زمان بس كنت بخاف اعترف.

المنطقة كلها فرحت، سيف وجنى وسلمى وياسين حتى اللي كان جاي يتقدم باركلهم، وآدم وليان اتجوزو وعملو فرح كبير في الحارة، وآدم فضل بلطجي بس بلطجي حتته اللي بيحميها مش اللي بيخوفها، وبقى جوز ليان اللي شايلها في عنيه، وبقت ليان كل ما حد يسألها تقول انا اتجوزت ابن الجيران العنيد اللي علمني يعني ايه حب بجد ويعني ايه راجل يضحي بكل حاجة عشان اللي بيحبها.

وبعد الجواز آدم فتح محل صغير لمواد البناء بمساعدة سيف صاحبه وبقى بيشتغل ليل نهار عشان يخلي ليان مبسوطة، وليان كملت كليتها وبقت تشتغل في مدرسة قريبة، وكل يوم الصبح آدم يوصلها لحد باب المدرسة ويرجع يفتح المحل، والناس بقت تقول سبحان مغير الاحوال، البلطجي بقى راجل محترم وشايل مراته في عنيه، وليان بقت تقول لكل بنت في المنطقة اوعي تحكمي على حد من شكله، ساعات اللي شايفاه صايع يطلع اجدع من ناس كتير لابسة بدل، وفي كل خناقة في الحارة الناس لسه بتجري على آدم، بس الفرق انه بقى يحل بالعقل مش بالدراع، وبقى كبير المنطقة بجد مش بالخوف بس بالحب والاحترام، وكل ده عشان بنت واحدة اسمها ليان قدرت تغيره بكلمة حلوة وبنظرة رضا، وآدم كل يوم قبل ما ينام يقول لليان انا لو لفيت الدنيا كلها مش هلاقي زيك، وانتي اللي خلتيني بني ادم، وليان ترد عليه وتقول له وانت اللي علمتني يعني ايه راجل بجد بيحب بضمير، وفضل حبهم يكبر يوم عن يوم والناس كلها بتحكي عن ابن الجيران العنيد والبنت المحترمة اللي اتجوزو غصب عن الدنيا كلها.

وياسين سافر اشتغل برا وسلمى اتجوزت سيف وجنى بقت بتقول يا ريتني الاقي واحد يحبني زي ما آدم حب ليان ويعمل المستحيل عشاني. والحارة كلها بقت تحكي قصتهم للعيال الصغيرة كل يوم بفخر. دايما.