العنايه المركزه
ساد السكوت في الأوضة لدقيقة كاملة.. صوت جهاز التتبع بتاع القلب هو الوحيد اللي شغال.. قربت منه كرسي صغير وقعدت قدامه وقولتله نبرة هادية وبكل احترام:
ـ فريدة كانت بنتك يا معلم فتحي؟
تنفس بعمق، تنهيدة طالعة من قعر قلبه، مسح عينيه بإيده الخشنة الكبيرة وقال بصوت مبحوح ومكسور:
ـ كانت دنيتي كلها يا أبلة.. فريدة اتولدت هنا.. في نفس المستشفى دي.. ومن ست سنين.. اتولدت في الشهر السابع برضه.. صغيرة أوي وزي الفل.. أمها ماتت وهي بتولدها.. وفضلت أنا وهي في الدنيا دي.. كنت أجي أقعد جنب الحضانة بالساعات.. أشيلها على صدري كده عشان تحس بأبوها.. دكاترة قالوا لي صوتك ودقات قلبك هما اللي هيخلوها تعيش.. وفضلت أصارع معها شهر كامل.. كل يوم أجي أشيلها واكلمها.. لحد ما في يوم.. قلبها وقف بين إيديا..
الدموع نزلت من عين الراجل القوي ده.. دموع تقيلة على دقنه البيضا.. كمل وهو بيبص للولد اللي نايم في الحضانة:
ـ من يومها والدنيا دي اسودت في وشي.. حست إني ماليش لازمة.. إيدي دي اللي كانت شايلها حست إنها ملهاش قيمة.. لما سمعت عن برنامج المتطوعين ده اللي بييجوا يقعدوا مع الأطفال اللي ملهمش حد ولا أهاليهم سايبينهم.. قلت أجي.. يمكن أقدر أرد جزء من الدين.. يمكن لما أشيل طفل محتاج، فريدة تفرح بي في مكانها..
اتكلم وهو بيبص لإيده المشرحة:
ـ الناس لما بتشوفني في الشارع بتبعد.. يخافوا من شكلي وطولي والتاتو اللي على جسمي.. فاكرين إني بائع مشاكل ولا راجل شراني.. محدش عارف إن التاتو ده هو الوجع الوحيد اللي أقدر أخليه علم على جسمي عشان مانساش بنتي.. إيدي دي كبار وخشنين صح؟ بس والله يا أبلة ما شالت غير كل حنية للضعيف.
أنا دموعي نزلت من غير ما أحس.. مسحت وشي وقلتله:
ـ حقك عليا يا معلم فتحي.. أنا أول ما شفتك أمس استغريتك وترددت.. سامحني.. أنت أنضف وأحن قلب دخل المكان ده من سنين.
ابتسم ابتسامة مكسورة وقال:
ـ مسامحك يا أبلة.. كل الناس بتبص للغلاف من بره.. محدش بيكلف نفسه يفتح الكورسة ويقرا اللي جوه.. المهم الواد ده عامل إيه دلوقتي؟ أمه بجد مش هترجع؟
تنهدت وقولتله:
ـ صابرين أمه بنت صغيرة عندها يادوب ثمانية عشر سنة.. جوزها سابها وعليها قضايا وديون ومشاكل ملهاش أول من آخر.. المستشفى حاولت تتصل بيها كتير، تلفونها مقفول.. الشئون الاجتماعية جهزت أوراق الولد عشان ينقلوه ملجأ أيتام أول ما صحته تستقر ويخرج من الحضانة.
