بيت هاي كلاس

ابني شدت ابنها
الواد الصغير.. حفيدي.. كان ساكت.. وباصص لي
أول مرة أحس إنه مكسوف
قبل ما يطلع من الباب قال
يا تيتة
بصيت له
قال
أنا آسف
7 سنين وبيقول آسف.. وأبوه وأمه عندهم 35 سنة ومش قادرين يقولوها
قلت له
حبيبي انت معملتش حاجة.. تعال هنا
حضنته
كان أول حضڼ من شهر
قلت له
البيت مش بالفلوس يا حبيبي.. البيت بالناس اللي بتحب بعض.. فاكر لما كنت بتيجي عندي وكنا بنعمل كيكة سوا في مطبخي الصغير؟
قال
آه
هو ده البيت.. مش القصر
مشيوا
بعد 3 أيام.. المفاجأة الكبيرة
المحامية كلمتني
تعالي المكتب بسرعة.. لقيت حاجة
روحت
قالت لي
ابنك ومراته من 8 شهور.. فتحوا شركة.. شركة ديكور.. وكاتبين عنوانها على بيتك انتي.. ومقدمين على قرضين للشركات الصغيرة.. واحد 100 ألف وواحد 150 ألف.. بضمان عنوان البيت.. وانتو ضامن
أنا ضامن؟ أنا مضيتش
إمضتك مزورة تاني.. بس البنك لسه موافقش.. عشان مستني إثبات دخل ليكي
يعني مش بس قصر.. وقرض.. دول كانوا عايزين يفتحوا شركة باسمي.. ويغرقوني ديون.. ولو الشركة فشلت.. البنك ييجي يحجز على بيتي
ساعتها فهمت
الخطة مكنتش من يوم القصر
الخطة بقالها 8 شهور
القصر كان بس الضړبة الكبيرة
قالت لي المحامية
بصي يا حبيبتي.. انتي قدامك حلين.. يا تبلغي.. يا تقطعي علاقتك بيهم تماماً وتأمني نفسك.. وتكتبي وصية واضحة.. وتعملي تنازل عن أي حاجة ليهم.. وتحطي فلوسك في مكان أمان
قلت لها
أنا عايزة حل تالت.. عايزة ابني يفوق.. مش عايزاه يتسجن.. عايزاه يحس
قالت
يبقى هتوجعيه
ازاي؟
هتوريه إنك تقدري تعيشي من غيره.. وأحسن من غيره
عملت ايه؟
أول حاجة.. خدت ال 800 ألف.. وحطيتهم في وديعة باسم حفيدي.. بس متتفتحش إلا لما يتم 21 سنة.. وبشرط إنه هو اللي ييجي يستلمها بنفسه.. مش أبوه ولا أمه
تاني حاجة.. كتبت البيت باسمي واسم حفيدي.. نص ونص.. عشان لو جرالي حاجة.. البيت يفضل له
تالت حاجة.. روحت لمحل الورد اللي بحبه.. واشتريت ورد كتير.. وحطيته في البلكونة اللي كنت متخيلة هتبقى في القصر.. بس حطيته في بلكونتي الصغيرة
رابع حاجة.. فتحت صفحة على النت.. بقيت أعمل فيديوهات.. أحكي فيها حكايات.. حكاية الست اللي ابنها قال لها يا فلاحة.. حكاية الست اللي حفيدها نام قدام بابها.. حكاية البرشام اللي لونه أفتح
الناس حبتني
الستات بقت تبعت لي
احكي كمان يا تيتة
بقيت تيتة النت
وبقيت أكسب من الفيديوهات.. مش كتير.. بس كفاية يخليني مش محتاجة حد
بعد 6 شهور.. ابني رجع
جه لوحده.. من غير مراته.. ومن غير كيس فاكهة
خبط.. فتحت
لقيته خاسس.. ودقنه طويلة
قال
ممكن أدخل؟
دخل.. قعد على كرسي جوزي
قال
الشركة فشلت.. ومراتي سابتني وخدت الواد.. والقصر طبعاً راح.. وصاحب القرض اللي استلفنا منه ال 50 ألف بيطالبني.. وأنا..
سكت
وأنا آسف
أول مرة من 7 سنين أسمعها منه
قلت له
آسف على ايه؟
على كل حاجة.. على كلمة فلاحة.. على التوكيل.. على القرض.. على إني علمت ابني يبقى قليل الأدب معاكي.. على إني نسيت مين اللي رباني
ومراتك؟
هي اللي كانت بتزن.. عايزة قصر.. عايزة تبقى هاي كلاس.. وأنا كنت بسمع كلامها.. عشان كنت فاكر كده هتبقى بتحبني أكتر
قلت له
الحب مش بالقصر يا ابني.. الحب لما ابنك ينام على الأرض قدام باب جدته عشان خاېف عليها.. انت نسيت الحب
عيط
راجل 35 سنة بيعيط في حجر أمه
قلت له
بص.. أنا مش هديك 800 ألف تشتري قصر.. بس هديك 5 آلاف تصلح عربيتك وتروح تشوف شغل.. وهاجي معاك نجيب حفيدي من عند أمه.. ونقعد نعمل كيكة سوا في مطبخي الصغير.. اللي هو أحلى من أي قصر.. لو موافق
قال
موافق
ومن ساعتها.. كل يوم جمعة.. ابني بييجي.. لوحده.. من غير مراته.. يخبط.. وأفتح
وحفيدي بقى ييجي معاه.. أول ما يدخل يقول
يا تيتة.. ممكن