ناديه
عماد بدأ يتراجع
سامح وقف قدامه
وقال
في حاجة تانية يا عماد
نادية بصت له
إيه؟
سامح طلع صورة تانية من الظرف
وحطها قدامها
كانت صورة قديمة لعمتها أمينة وهي واقفة جنب شخص نادية تعرفه كويس
نادية شهقت
وقالت
ده أبويا
سامح قال
أيوه
والصورة دي اتصورت قبل اختفاء الفلوس بيوم واحد
وعلى ضهرها كانت أمينة كاتبة جملة واحدة
الحقيقة مش عند عماد لوحده
الحقيقة عند أبو نادية كمان
نادية حست إن رجليها مش شايلينها
لأن أبوها كان متوفي من عشر سنين
ولو عمتها كانت كاتبة اسمه
يبقى السر الحقيقي لسه ما اتكشفش
وسامح قال لها بهدوء
في حاجة لازم تعرفيها قبل ما تدخلي جنازة عمتك
الحكاية دي بدأت من 23 سنة
لكن سببها الحقيقي متعلق بيكي إنتي
نادية فضلت واقفة مش قادرة تستوعب كلام سامح
قالت بصوت مخنوق
متعلق بيا إزاي؟
سامح بص لفاطمة
فاطمة قربت منها ومسكت إيدها
وقالت
أمينة كانت بتخاف عليكي أكتر من نفسها
نادية هزت راسها
أنا مش فاهمة حاجة
فاطمة قالت
أبوكي ما كانش زي ما الناس فاكرة
كان عارف إن عماد بيسرق من فلوس أمينة
ولما حاول يواجهه حصلت خناقة كبيرة بينهم
عماد صرخ
كفاية كذب
سامح رد عليه
لو كدب افتح تسجيلات أمينة
عماد سكت
نادية بصت لسامح
تسجيلات؟
سامح طلع موبايله وشغل تسجيل قديم
صوت عمتها أمينة ظهر ضعيف ومليان خوف
لو التسجيل ده وصل لنادية يبقى أنا ما لحقتش أقولها الحقيقة بنفسي
نادية حطت إيدها على بقها
وصوت أمينة كمل
أبوها اكتشف إن عماد كان بيزور أوراق الملكية عشان ياخد البيت
ولما حاول يوقفه عماد هدده
لكن أبو نادية كان عامل نسخة من كل الأوراق وحطها عندي
نادية بدأت تبكي
وقالت
طب بابا مات إزاي؟
الصمت نزل عليهم
فاطمة بصت في الأرض
وسامح قال
أبوكي مات وهو فاكر إن عماد هيتحاسب
لكن عماد عرف مكان الأوراق
وحاول ياخدها من أمينة
وعشان كده أمينة خبّت كل حاجة
نادية بصت ناحية عماد
إنت السبب في موت أبويا؟
عماد اتوتر وقال
أنا ما قت/لتش أبوكي
لكن سامح قال
محدش قال إنك ق/تلته
إحنا بنقول إنك كنت السبب في اللي حصل
عماد بدأ يتراجع
وفجأة مد إيده ناحية الظرف
سامح مسكه ومنعه
عماد صرخ
إديني الورق ده
نادية وقفت بينهم وقالت
ليه؟
ليه خايف منه للدرجة دي؟
عماد سكت
وبعدين قال بصوت مكسور
لأن أبوكي ما كانش ضحية زي ما أنتم فاكرين
نادية اتصدمت
يعني إيه؟
عماد بص لها وقال
أبوكي كان مخبي عنك حقيقة أكبر
