بسبب المكالمه الدنيا اتغيرت
بعد المكالمة دي فضلت قاعدة مكاني مش قادرة أستوعب اللي سمعته
محامي بابا
حاجة تخص البيت
وحاجة تخصني أنا شخصيا
إيه اللي بابا كان سايبه ومحدش قال لي عليه
وليه المحامي اتصل بيا بعد أربع سنين من وفاته
وليه قال إن اللي هيقوله ممكن يغير كل اللي فاهمينه عن اللي حصل بعد موت بابا
بصيت للموبايل تاني
كان عندي رغبة أكلم أمي وأسألها
ماما هو بابا كان سايب حاجة عند المحامي
لكن إيدي وقفت قبل ما أدوس على اسمها
افتكرت وشها وهي قاعدة في الصالة
افتكرت لما سألتها
وماما موافقة
وساعتها ما بصتش في عيني
حسيت إن في حاجة مش طبيعية
يمكن أمي عارفة
يمكن جريجوري عارف
ويمكن أنا الوحيدة اللي عايشة وسطهم ومش فاهمة حاجة
تاني يوم الصبح روحت شغلي بدري
قعدت قدام الكمبيوتر وفتحت ملفات الحسابات
لكن الأرقام كانت بتتحرك قدام عيني من غير ما أفهم منها حاجة
زميلتي هالة قربت مني وقالت
إنتي مالك يا آنا
وشك مخطوف كده
قلت لها
مفيش
قالت
مفيش إيه بس
إنتي من ساعة ما جيتي وإنتي بتبصي في الشاشة كأنك مستنية حد يطلع منها
ابتسمت بالعافية وقلت
مشكلة عائلية
هالة حطت إيدها على كتفي وقالت
ربنا يصلح الحال
رن موبايلي
المحامي
رديت بسرعة
قال
صباح الخير يا مدام آنا
صباح النور
قال
ينفع نتقابل النهارده بعد الشغل
قلت
ينفع
قال
محتاج أقابلك لوحدك
سكت شوية وبعدين سألته
هو الموضوع خطير
قال
مش هقدر أقولك في التليفون
بس مهم جدا إنك تيجي
قلت
حاضر
وقفلنا
فضلت طول اليوم بفكر في الكلام ده
هو ليه عايز يقابلني لوحدي
هو ليه ما اتصلش بأمي
وليه قال حاجة تخصني أنا
بعد ما خلصت شغلي روحت على عنوان المكتب اللي بعتهولي
كان مكتب صغير في شارع جانبي في وسط البلد
طلعت السلم ودخلت
لقيت راجل في أواخر الخمسينات قاعد ورا مكتب خشب قديم
أول ما شافني قام
وقال
مدام آنا
قلت
أيوه
قال
أنا المستشار سامح
