خدي طبقك

الصبح
أمي كلمتني من رقم غريب
انتي إزاي تعملي كده؟ فضحتينا قدام الناس
أنا اللي فضحتكم ولا انتو اللي قلتوا لي قدام الناس متلميش طبقك انتي مدفعتيش تمنه وانا اللي دافعة 18 ألف؟
كان هزار
هزار؟ وانا 9 سنين لما قلتي لي متكونيش طماعة انتي مدفعتيش تمن التورتة كان هزار برضه؟
سكتت
انتي فاكرة من 25 سنة؟
أيوه فاكرة. عشان الجملة دي هي اللي خلتني أبقى البنت اللي بتدفع كل حاجة وهي ساكتة. عشان كنت خاېفة أبقى طماعة. فبقيت أدفع. أدفع. أدفع. لحد ما بقيت بدفع 18 ألف في حفلة مليش فيها كرسي
مكناش نقصد
لا كنتو تقصدوا. كنتو تقصدوا تخلوني أحس إني ضيفة. عشان الضيف بيدفع وهو ساكت. وصاحب البيت هو اللي بياخد السقفة. وده اللي حصل. أختي خدت السقفة وانا دفعت. بس خلاص. خلصت
طب وال 13 ألف الباقيين؟ المدير قال هنقسطهم
ادفعوهم. من فلوسكم. زي ما أنا دفعت فلوسكم طول عمري. واعتبروها تمن الدرس. تمن جملة متلميش طبقك
انتي قاسېة
لا أنا مش قاسېة. أنا كنت طيبة 25 سنة. وكنت بدفع 18 ألف وانا لابسة فستان أحمر وبتقوليلي متلميش طبقك. القاسېة هي اللي تقول لبنتها كده قدام الناس. مش اللي تمشي وتسيب الفاتورة
قفلت
6. أختي بعتت رسالة
أختي بعتت رسالة طويلة
انتي بوظتي عيد جواز بابا وماما ال 40. كان ممكن تستحملي كلمة وتعدي الليلة
رديت
استحملت كلمة وانا 9 سنين. واستحملت كلمة وانا 15. واستحملت كلمة وانا 25. واستحملت إني مليش كرسي في حفلة أنا حجزاها. واستحملت إنك تنسبي الورد والشمع والأوضة لنفسك. واستحملت إنك تقولي أنا اللي باخد بالي من العيلة وانا اللي واخدة بالي 25 سنة. فكلمة إمبارح مكنتش كلمة. كانت آخر كلمة. والطبق اللي قلتي لي مملاش كان فاضي. وانا حطيته. ومشيت. وسيبت الفاتورة للي قال أنا اللي عاملة الحفلة
طب هتسامحينا؟
هسامحكم لما تفهموا إن الطبق الأبيض العادي اللي كنت مسكاه كان أغلى من الفستان الأحمر. عشان الطبق ده كان بتاعي. بفلوسي. بتعبي. ب 25 سنة بدفع وانا ساكتة. والفستان كان جديد. بس الطبق كان قديم. قديم زي ذوقي اللي كنتو بتتريقوا عليه. وذوقي القديم هو اللي كان بيدفع
7. بعدها بأسبوع
بعدها بأسبوع
عمتي الكبيرة كلمتني
برافو
برافو على إيه؟
على إنك قلتي لأول مرة متلميش طبقك دي بتاعتي وأنا اللي دفعاه. من 25 سنة وانا مستنية تقوليها
كنتي عارفة؟
كنت عارفة إنك بتدفعي كل حاجة. وكنت عارفة إنهم بياخدوا السقفة. وكنت مستنية اليوم اللي هتمشي فيه وتسيبي الفاتورة. واليوم ده جه. والفستان الأحمر كان حلو أوي عليكي على فكرة
ضحكت
لأول مرة من 25 سنة
ضحكت وانا لابسة الفستان الأحمر
مش عشان حد شافني
عشان أنا شفت نفسي
1. الفاتورة لسه على الترابيزة
الفاتورة لسه على الترابيزة
18 ألف
المدير واقف مستني
أمي ماسكة كارت مرفوض
أختي ماسكة كارت مرفوض
أبويا معاه 2000 كاش
والضيوف مشيوا
واحد ورا واحد
اللي كانوا بيسقفوا لأختي من شوية وبيقولوا لها إيه الجمال ده وإيه الذوق ده
دلوقتي بياخدوا جواكتهم ويمشوا وهما بيهمسوا
18 ألف ومش معاهم يدفعوا؟
أومال كانت بتتفشخر بإيه؟
طلعت أختها هي اللي دافعة
أختي وشها بقى أحمر زي الفستان اللي أنا كنت لابساه
بس أحمر من الكسوف مش من الجمال
أمي قالت للمدير
ممكن نقسط؟
المدير قال
التقسيط كان على كارت صاحبة الحجز. وهي لغت الكارت. فالدفع دلوقتي كاش
كاش؟ منين 18 ألف كاش؟
عمتي الكبيرة اللي كانت قاعدة جنب باب الخدمة وكانت دافعة 5000 قالت
أنا قلت هدفع 5000 عشان أستر الراجل اللي بيحب اللحمة. مش عشان أستر اللي قالت لبنتها متلميش طبقك. فالباقي 13 ألف عليكم. اتصرفوا. بيعوا الحلق. بيعوا الغويشة. زي ما بنتكم باعت
متابعة القراءة
صفحة
3
/ 5
انت في الصفحة 4 من 5 صفحات