بنت اسمها ايات
القاعة كلها سقفت ودموعها نزلت، احمد مقدرش يمسك نفسه طلع على المسرح وحضنها قدام الكل، وقال انا كنت بقول عمري ما احب طالبة عندي، وطلع ان الطالبة دي هي اللي هتبقى مراتي وام عيالي، الجامعة كلها هاصت وصوروا الفيديو اللي بقى تريند على السوشيال ميديا والناس كلها بقت تتكلم عن قصة حبهم.
بعد سنة من التخرج احمد اتقدم لآيات رسمي، وراح هو ومامته اللي كانت ست طيبة جدا وكانت بتحب آيات من كلامه عنها، محمود وافق على طول وقاله انا بديك اغلى حاجة عندي، الفرح كان بسيط في قاعة صغيرة بس مليان حب، منى كانت الوصيفة وكانت بتعيط اكتر من العروسة، وحمادة كان واقف يصور ويضحك من قلبه، وسناء كانت بتزغرط وتقول اختي بقت عروسة الدكتور.
بعد الجواز آيات اشتغلت مذيعة في قناة كبيرة واحمد كمل تدريس بس بقى عميد الكلية، وعملوا سوا برنامج اسمه مادة العشق يحكوا فيه كل اسبوع عن قصة حب حقيقية حصلت في الجامعة، وكانوا بيختموا كل حلقة بجملة واحدة الحب مش ضعف، الحب قوة بتخليك تكسر كبرياءك عشان اللي بتحبه، وده اللي خلاهم ايقونة للحب في الجامعة، وكل دفعة جديدة كانت بتدخل كانت بتسمع حكايتهم وتقول يا رب نلاقي حب زي حب آيات واحمد.
وفي ليلة من الليالي بعد ما خلصوا تصوير حلقة من البرنامج، آيات قالت لاحمد تفتكر لو كنت سبت الجامعة فعلا كنت هتسيبني اسيبها، قالها عمري ما كنت هسيبك، انا كنت هسيب الجامعة كلها وراكي، لانك انتي جامعتي ودنيتي، آيات ضحكت وقالت له لسه مغرور زي ما انت، قالها مغرور بيكي، وده احلى غرور في الدنيا.
منى اتجوزت بعدها بشهور واحد زميلهم في الكلية كان بيحبها من زمان، وآيات كانت واقفة جنبها في فرحها بتعيط من الفرحة وتقولها اخيرا لقيتي اللي يستاهلك، وحمادة سافر يشتغل برا ورجع بعد سنة ومعاه مراته اللي حبته بجد، وسناء خلفت ولد صغير سمته احمد على اسم جوز اختها لانه كان وش السعد عليهم، ومحمود ابو آيات بقى كل يوم يقعد في البلكونة يحكي للجيران عن بنته المذيعة المشهورة وجوزها الدكتور العميد.
وآيات كل ما تفتكر اول يوم دخلت فيه المدرج واتخانقت معاه تضحك وتقول سبحان الله كنت بكرهه قد ايه ودلوقتي بحبه قد ايه، واحمد يقولها وانا كنت فاكر اني عمري ما هحب طالبة عندي وطلعتي انتي العشق كله، واتعلموا ان الكبرياء ممكن يكسر اي حاجة الا الحب الحقيقي اللي بيبني كل حاجة من اول وجديد، وان مادة العشق عمرها ما كانت مادة في الكتب، دي مادة في القلوب.
