بنت اسمها ايات

بس الحكاية مخلصتش هنا، لان بعد ما رجعت آيات الجامعة احمد واجه مشاكل كبيرة مع ادارة الجامعة، العميد استدعاه وقاله انت بتكسر بروتوكول، مينفعش دكتور يروح بيت طالبة ويعترفلها في الشارع، احمد وقف قدامه وقاله انا معملتش حاجة غلط، انا حبيت بصدق، وانا مستعد استقيل لو ده هيخليكم تسيبوا البنت تكمل تعليمها، العميد اتصدم من كلامه لان احمد كان اهم دكتور في الكلية وجايب سمعة كبيرة للجامعة.

منى كانت كل يوم مع آيات تطمنها وتقولها متخافيش الحق بيكسب في الاخر، وحمادة بعد ما شاف اعتراف احمد حس انه لازم يبعد، راح لآيات وقالها انا كنت بحبك من صغري بس دلوقتي عرفت ان الحب مش بالعافية، انتي بتحبيه وهو بيحبك وانا هفضل اخوكي وسندك طول العمر، آيات عيطت وحضنته وقالت له انت احسن اخ في الدنيا يا حمادة وانا عمري ما هنسى وقفتك جنبي.

سناء اختها كانت فرحانة جدا وكل شوية تقول لمحمود ابوهم شفت بنتك هتتجوز دكتور قد الدنيا، محمود كان راجل غلبان بس عينه مليانة دموع فرح، كان بيقول انا كنت خايف عليها من الدنيا بس دلوقتي اطمنت ان فيه راجل هيصونها، حتى لو كان دكتور مغرور في الاول بس طلع قلبه طيب.

احمد بدأ يغير فعلا قوانين كتير في الكلية، لغى فكرة ان الدكتور لازم يبقى بعيد عن الطلبة، بقى يعمل محاضرات مفتوحة يقعد يسمع مشاكلهم، وبقى يدافع عن اي طالب مظلوم، الطلبة كلهم حبوه اكتر من الاول، وبقوا يقولوا مادة العشق بقت بجد مادة بتعلم الحب مش بس نظريات.

آيات في الفترة دي كانت بتثبت نفسها اكتر واكتر، عملت مشروع تخرج عن قصص الحب اللي بتتولد في الجامعات وكيف المجتمع بيبصلها، المشروع كسر الدنيا وخد جايزة احسن مشروع على مستوى الجمهورية، واحمد كان واقف جنبها في كل خطوة، يشجعها ويقولها انتي تقدري، ولما كانت بتتوتر قبل اي عرض كان يبص لها ويقولها فاكرة اول مرة وقفتي قدامي ورديتي عليا، انتي من ساعتها وانتي قوية.

يوم حفلة التخرج آيات طلعت على المسرح عشان تلقي كلمة الاوائل، كانت لابسة فستان ابيض بسيط وشعرها معمول بطريقة حلوة، بصت لاحمد اللي كان قاعد في اول صف وقالت انا كنت داخلة الجامعة فاكرة ان العند هو اللي هيكسبني، وكنت فاكرة ان الكبرياء قوة، بس دكتور علمني ان الحب اقوى من العند، وان التنازل مش ضعف، انا بشكر ابويا محمود اللي علمني الصبر، وبشكر اختي سناء اللي علمتني الحنية، وبشكر صاحبتي منى اللي عمرها ما سابتني، وبشكر حمادة اللي علمني يعني ايه اخ بجد، وبشكر دكتور احمد اللي خلاني اشوف ان مادة العشق مش مادة بتتذاكر، مادة بتتعاش.