مرام بنت عاديه

مسك جت لها تاني يوم لقيتها منهارة حكت لها كل حاجة مسك اتصدمت هي كمان وقالت لها يا نهار اسود ده فؤاد خطيب مليكة ده احنا نعرفه من زمان ده كان معانا في كل الخروجات ازاي ما خدتيش بالك من الوصف

مرام قالت لها انا كنت مركزة في عينيه بس ما خدتش بالي من باقي التفاصيل غير القميص والشنطة مسك قالت لها بصي يا مرام لازم تنسي الموضوع ده خالص مليكة صاحبتنا وفؤاد هيتجوزها بعد شهرين مينفعش تخربي عليهم

مرام قالت لها انا عارفة انه مينفعش بس قلبي مش قادر ينسى النظرة دي انا كل ما احاول انسى افتكر عينيه وهو بيبص لي كأنه بيقول لي انا مستنيكي من زمان

فؤاد من ناحيته كان في صراع رهيب بين عقله وقلبه عقله بيقول له انت خاطب وهتتجوز كمان شهرين ومليكة بنت كويسة وبتحبك واهلك بيحبوها وكل حاجة مترتبة وقلبه بيقول له بس انت من ساعة ما شفت مرام وانت مش عارف تنام ولا تاكل ولا تشتغل

راح قابل صاحبه احمد احمد ده صاحبه من الطفولة وبيحكي له كل حاجة احمد قال له يا فؤاد انت بتهزر انت هتسيب مليكة عشان نظرة عشر ثواني في المترو انت اتجننت يا ابني ده حب مراهقة ده مش حب حقيقي

فؤاد قال له يا احمد انا مش عارف اوصف لك اللي حسيته انا حسيت اني لقيت نصي التاني اللي بدور عليه طول عمري احمد قال له فوق يا فؤاد الحب مش نظرة الحب عشرة ومواقف انت عاشرت مليكة سنتين وشفت منها كل خير هتسيب كل ده عشان واحدة شفتها عشر ثواني

مرام قررت انها تبعد خالص ومسحت البوست من على فيسبوك وكتبت بوست تاني انها خلاص بطلت تدور وان الموضوع كان تهور منها واعتذرت لكل الناس بس من جواها كانت بتموت كل يوم

كانت بتحاول تروح الشغل من طريق تاني عشان ما تركبش المترو اللي ممكن تشوفه فيه بس القدر كان ليه رأي تاني في يوم وهي راجعة من الشغل متأخر ركبت المترو ولقيته واقف قدامها تاني في نفس العربية

الاتنين اتصدموا لما شافوا بعض تاني فؤاد كان راجع من شغله ومرام كانت مروحة النظرة المرة دي كانت اطول من عشر ثواني كانت نظرة فيها عتاب وحب وحيرة ووجع كل حاجة في نفس الوقت

المترو وقف في السادات تاني فؤاد قال لها ممكن نتكلم دقيقة واحدة بس مرام كانت مترددة بس نزلت وراه المرة دي كمان وقفوا على الرصيف والناس رايحة جاية حواليهم

فؤاد قال لها انا اسف اني دخلتك في الدوامة دي بس والله غصب عني انا من ساعة ما شفتك وانا مش عارف انا مين مرام قالت له وانت فاكر ان انا عارفة انا مين انا بموت كل يوم من ساعة ما شفتك وعرفت انك خطيب صاحبتي