مسكت التليفون وايدى بترتعش
طول الليل، ما نمتش. كنت قاعدة على اللاب توب مع أستاذ فاروق ومازن، بنحضر الملف الكامل.
المستندات كانت جاهزة:
1. بلاغ للنيابة العامة بتهمة النصب والاستيلاء على أموال عن طريق التزوير (حسام كان مزور إمضائي على إقرار تنازل عن الحساب المشترك).
2. قض\ية طلاق للضرر مع المطالبة بكل المستحقات والتعويضات.
3. إبلاغ مصلحة الضرائب والرقابة المالية عن المخالفات اللي حسام وندى بيعملوها في الشركة.
الساعة كانت 8 الصبح.
في شرم الشيخ، حسام صحي من النوم في الجناح الفاخر. فتح تليفونه عشان يطمن إن كل حاجة ماشية تمام، وإن أمه مسيطرة عليا في المعادي.
أول ما فتح التليفون، نزل عليه كمية رسائل وإشعارات زي المطر!
رسائل من البنك: “تم رفض المعاملة.. تم إيقاف الحساب.. الحساب مجمد بقرار نيابة.”
رسائل من أمه: “يا حسام الحقنا! المفترية طردتنا في الشارع وكشفت كل حاجة!”
رسائل من الشركة: “تم إيقافك عن العمل لحين التحقيق في بلاغ تزوير واختلاس.”
حسام اتقلب وشه، وبدأ يترعش. حاول يطلبني، بس الرقم بتاعي كان بلوك. حاول يطلب أمه، تليفونها كان مقفول.
في نفس اللحظة، خبط شديد على باب الجناح بتاعه في شرم الشيخ!
فتح الباب وهو مرعوب، وجد قدامه اثنين من رجال الشرطة ومعاهم نيابة الأموال العامة.
الضابط بص له ببرود وقال: “أستاذ حسام زكي؟”
حسام اتلعثم: “أيوه.. فيه إيه؟”
الضابط: “مطلوب القبض عليك بناءً على القرار الصادر من النيابة العامة في القاهرة، بتهمة النصب والاستيلاء على أموال والتزوير في أوراق رسمية.”
ندى الشاذلي خرجت من جوه وهي بتصرخ: “أنتم بتعملوا إيه؟ أنتم عارفين أنا بنت مين؟”
الضابط بص لها وقال: “حضرتك كمان مطلوية للتحقيق بصفتك شريكة في الشركة والمستفيدة من الأموال المحولة.”
في القاهرة، كنت واقفة في نفس الشباك في المعادي. الشموس كانت طالعة والجو صافي بعد المطر. مسكت كوباية القهوة في إيدي، وبصيت على النيل.
التليفون رن.. كان أستاذ فاروق.
“صباح الخير يا أستاذة مي. المقبوض عليهم حالياً في الطريق للقاهرة لمباشرة التحقيق. حسام اتدمر تماماً، وندى بتبكي وبتقول إنها ما كانتش تعرف إنه مزور إمضائك.”
ابتسمت وارتشفت شفطة من القهوة: “ممتاز يا أستاذ فاروق.. كمل في الإجراءات.”
قفلت السمعة، وحسيت بنسيم الصبح بيدخل الصالة. حسام افتكر إنه هيسيب لي أمه وأبوه ويطير بفلوسي، بس نسى إن الست اللي بنى حياته على حسابها.. هي نفسها اللي تقدر تهد المعبد كله على دماغه.
