روايه اريد الطلاق

عامر ابتسم وقال…. يا بت خليكي جريئه كده ودعيني بقى انا بمو….ت في الحركات الناعمه دي يلا اتلحلحي
سلمى قالت… ناعمه ….ده محن ده
عامر ضحك جامد وقال… ايه الرومانسيه دي على الصبح
سلمى ابتسمت وقالت ….طيب على العموم هبقى جريئه اهو علشان عيونك …وقربت من شفايفو برقه وقالت بجرائه ….شفايفك زي التفاحه الامريكاني… تدقوا مره تقول تاني
عامر ابتسم ولسه هيقربها ليه تاني ا تتفاجئ بامه واقفه وراهم وقالت بدهشه ….بتعملوا ايه عند الباب
بقلم…زهرة الربيع
سلمى لطمت على خدها وعامر قال بارتباك …عن اذنكم بقى تاخرت اتاخرت قوي…ومشي بسرعه
سلمى قالت بغيظ شديد..اه يا واطي
وبصت لها بحرج وقالت…. كنت بودعه يا ماما
امه ضحكت جامد على شكلها وقالت…. تفاح امريكاني هو ما ينفعش تودعي تفاحك فوق ….يلا معايا علشان نحضر للتفاح غدا
سلمى راحت وراها بحرج وهيه بتضحك عليها
وفضلو مع بعض في المطبخ بيحضروا الغداء
في الوقت ده غاده كانت شافت كل اللي حصل واتغاظت اكتر اتصلت بالشخص اللي كلمته وقالت…. دلوقتي حالا تيجي وتنفذ
بعد شويه وصل واحد ومعاه ادوات فتحتلو والدة عامر قالت..نعم
الراجل قال…. انا السباك حضرتك في واحده هنا اتصلت علي
غاده قالت بسرعه …..اه تعالى الحمام بتاعي بايظ
ام عامر بصت لها بضيق وراحت على المطبخ تاني
وهي طلعت مع السباك لفوق ووووو
غاده طلعت مع السباك لفوق وهيه ناويه على شيئ خطير
بعد شويه اول ما نزل السباك ومشي
غاده راحت دخلت اوضتها وقفلت عليها الباب بقلق شديد
بعد ما خلصت سلمى الاكل قالت…. انا رايحه يا ماما اخذ شاور قبل ما عامر يجي
امها قالت بابتسامه…. طيب يا قلبي روحي
سلمى راحت دخلت الحمام وفتحت المايه في البانيو وحطت الشامبو وفضلت مستنياه يتملي ولسه هتجهز سمعت صوت عامر على السلم طلعت جري بسعاده ونسيت الميه مفتوحه
اول ما طلعت جريت عليه حضنته وقالت وحشتني اويييي
عامر ابتسم وقال….اه يا بكاشه ده هم حتت ساعتين
سلمى قالت .. ايه ده هو وانا ما وحشتكش ولا ايه
عامر قال ….وحشتيني قوي والله
سلمى ابتسمت وقالت…. طب انا هاخد شاور واجي لك
ولسه هتدخل عامر قال بسرعه….لا والنبي خليني اروح انا الاول …طفشان من الشمس بره
سلمى ابتسمت و قالت ….خلاص روح حلال عليك البانيو اللي جهزته
عامر ابتسم و باسها ودخل
سلمى لسه هتنزل على السلم علشان تحضر له الغداء في الوقت ده خرجت غاده بذهول وقالت بقلق…انا انا زي ما اكون سمعت صوت عامر رجع
سلمى قالت باستغراب وضيق…. ايوه رجع انت مالك وماله
غاده قالت باستغراب وخوف…. رجع ازاي ده ما بقالوش ساعتين…طب هو فين دلوقتي
سلمى قالت بضيق شديد ….دخل يستحمى عندك مانع
غاده اتصدمت بشده وصرخت بكل قوتها وقالت…. يستحمى ازاي يا مصيبتي …ودخلت الاوضه جري وهيه بتقول ….عامر استنى ما تدخلش الحمام
سلمى بصت عليها بزهول وجريت وراها وهيه بتقول….استني هنا انتي رايحه فين
بس غاده دخلت جري على الحمام وكانت فيه سلكه كهربه في البانيو دخلت تسحبها بس كانت سلمى سابت الميه مفتوحه والميه ملت أرضية الحمام كله واول ما داست فبها اتصعقت بقوه ووقعت على الارض والكهربه ماسكه فيها
سلمى دخلت وراها توقفها بس لقتها بتتكهرب جامد هي والمكان كله والحمام والميه بقت تصرخ بقوه وتقول…عامر …عامر الحقنييييي
عامل كان بيشرب سيجاره في البلكون قبل ما يدخل يستحمى بس سمع صراخها الشديد و طلع جري وقال ….في ايه في ايه يا سلمى
سلمى شاورت بايدها وهي بترتعش على غاده ووقعت مغمى عليها
عامر اتصدم بالمنظر ولاقاها بتتكهرب جامد جري بسرعه وهو بيزعق جامد وبيقول…..ماما اقفلي الكهرباء اقفلي الكهرباء بسرعه
امه ما كانتش فاهمه في ايه بس جريت بسرعه قفلت المحول وطلعت جري على فوق واتصدمت هي كمان بالمنظر
عامر دخل وشال غاده وطلع بيها بسرعه جري وقال …ماما خدي بالك من سلمى ما تسيبيهاش لوحدها
امه قالت ..حاضر حاضر يا حبيبي