انا عايزه اطلـ,ـق يا بابا
عمر بضحكة : ياعم متخفش علينا عمر الشقي بقي يا مان
كريم : ربنا معاكم وينصركم ويحفطكم
ونفذوا العمليه وفعلا مينا وعمر نفذوا الخطه وقبضوا عليهم بس ساب واحد عشان يبلغ صلاح باشا باللي حصل
سبحان الله وبحمده سبحان الله العظيم ♥️
تاني يوم ساره نزلت شغلها مع اسر ويارا نزلت جامعتها
في الجامعه
نرمين : بت يا مروه اناقرفت من الكليه وزهقت
مروه : لي يا نرمين
نرمين : بصي انا عايزه حفله عايزه فرح عايزه حاجة جديده زهقت من الحجات الروتينيه دي بصي انا زهقت منك انك شخصيا
مروه : والله انتي واحده مهزءه اعمل اي … شايف يارا ومارينا واقفين اهم تعالي نقف معاهم
نرمين : مين دول معرفهمش دول معانا في القسم تقريبا
مروه : تقريبا!! يابنتي معانا في القسم تعالي تعالي
مروه : ازيك يابت يا يارا ازيك يابت يا مارينا سلمت عليهم وباستهم
يارا : مرووووه ازيك يابت
مارينا : تمام يا مروه انتي عامله اي
نرمين : ازيكم وسلمت عليهم وهي بتبوسهم يارا كانت بتشب جامد عشان تبوسها وكذالك مارينا
يارا : ازيك يا نرمين
نرمين :الحمد لله هو انتوا قصيرين كده لي يا عيال هههههه
يارا : لا حضرتك احنا طولنا طبيعي انتي اللي طولك مش طبيعي
نرمين :لي يا بنتي ده انا طولي 175 بسسسس
يارا بصدمة : بسسسسسس وكمان مستقليه بيهم ده انا طولي 167 وعماله اتكبر علي الناس واقول اني طويله ده انا اركن بقا
نرمين : اه طبعا تركني ههههههه
وقعدوا يتكلموا ويهزروا مع بعض وخدوا علي بعض جامد
مروه : بقولكم اي احنا نقعد مع بعض بدل ما كل ثنائي قاعد لوحدوا كده
يارا : واهو نبقا ثنائي تربيع ونسمي نفسنا شله الرباعي
نرمين : فكره حلوه والله يا ولاد
مارينا : يلا هنبقا بيستات
كلهم في صوت واحد : طبعا
مروه : طب يلا بقا بالمناسبه الحلوه دي ناخد صوره
#Doaa_Elawdan
عند ساره في شغلها ابراهيم فهمها هتعمل اي
سليم طلبها ودخلتلوا المكتب
ساره : افندم
سليم بصلها واستغرب انها باصه في الأرض ومكسوفه وخدودها حمرا
سليم باستغراب : هو انتي السكرتيره الجديده… ؟
ساره برقه : اه يا فندم حضرتك طلبتني
سليم : اممممم اه انتي مهاكي لغات صح
ساره : ايوه يا فندم
سليم : تمام خدي الملف ده ترجميه وابعتيه
ساره : تمام يا فندم اي اوامر تانيه
سليم : لا شكرا تقدري تروحي شغلك
ساره : تمام يافندم
عدي وقت الشغل واسر وساره وهما مروحين اشتروا شويه حجات هيحتجوها النهارده
