110مليون

متابعة القراءة
صفحة
3
/ 4
انت في الصفحة 4 من 4 صفحات

تكلمني
اسحبي التعويض. حرام أختك تدفع
حرام؟ واللي هي عملته مش حرام؟
هي صغيرة
صغيرة عندها 22 سنة وبتسوق بي إم؟
2. أختي اشتغلت
أختي فعلاً اشتغلت كول سنتر
ب 4000 في الشهر
أول مرة في حياتها تشتغل شغل بجد
مش شغل بابي هيجيبلي
كانت بتيجي تحكيلي
المدير زعقلي النهاردة
عادي
عميل شتمني
عادي
رجلي وجعتني من القعدة 8 ساعات
أنا رجلي كانت بتوجعني 12 ساعة
بدأت تفهم
بدأت تفهم إن الفلوس مش بتيجي من باسورد في نوتة
الفلوس بتيجي من قلة نوم
3. أبويا تعب
أبويا تعب فجأة
دخل المستشفى
أمي كلمتني وهي بټعيط
تعالي
ماله؟
ضغطه عالي
روحت
لقيته نايم على سرير
ومركب محاليل
أول ما شافني قال
جاية تشمتي؟
جاية أشوفك عشان إنت أبويا حتى لو ظلمتني
سكت
أختي واقفة جنبه
ماسكة إيده
أمي قالت
الدكتور قال محتاج علاج غالي
بكام؟
10 آلاف
بصيت لأختي
معاكي كام؟
2000
بصيت لأمي
معاكي كام؟
مفيش. أبوك كان بيصرف على العربية اللي اتسحبت
حتى وهو تعبان لسه بيدافع عن العربية
فتحت تليفوني
حولت 10 آلاف من ال 5 آلاف التعويض 5 آلاف كنت محوشاهم جديد
ادفعوا العلاج
أبويا بصلي
منين؟
من ال 5 آلاف اللي كنتوا بتقولوا عليا طماعة عشانهم
سكت
أمي عيطت
إنتي لسه جدعة
أنا طول عمري جدعة. إنتوا اللي نسيتوا
4. بعد ما خف
أبويا خف وخرج
جه شقتي
أول مرة يجي شقتي من ساعة ما اشتريتها
دخل
بص حواليه
حلوة
على قدي
قعد على الكنبة المستعملة
أنا ظلمتك
أول مرة يقولها
أيوه ظلمتني
كنت فاكر إنك قوية وتستحملي وأختك ضعيفة
الضعيف مش اللي بيسرق. الضعيف اللي بيسكت على السړقة
عندك حق
طلع ظرف
ده إيه؟
5000 جنيه. أول قسط من ال 45 ألف
إنت مش كنت بتقول هتقسطهم 500 كل شهر؟
ده اللي قدرت عليه. كنت غلطان لما قلت 500. أنا عارف إنك كنتي بتحوشي كل جنيه
خدت الظرف
شكراً
هتسامحيني؟
سامحتك لما حولتلك فلوس علاجك. بس مش هنسى
ليه؟
عشان اللي بينسى بيتسرق تاني
5. أختي والمخدة
أختي بقت تيجي كل جمعة
تجيب مخدة
مرة جابت معلقة
مرة جابت كوباية
بتفرش معايا الشقة حتة حتة
في مرة قالت
أنا عايزة أقولك حاجة
قولي
أنا كنت بغير منك
مني أنا؟
أيوه. إنتي شاطرة وبتحوشي وبتشتغلي وأنا كل حاجة بتجيلي بالساهل فكنت فاكرة إنك مش هتزعلي لو خدت حاجة
45 ألف حاجة؟
كنت فاكراها حاجة صغيرة بالنسبة لك
45 ألف عمرها ما كانت صغيرة. حتى لو معايا مليون. ده شقايا
عرفت
متأخر
لا مش متأخر. أنا دلوقتي بحوش. حوشت 8000
برافو
عايزة أرجعلك التعويض
مش عايزاه
ليه؟
عايزاكي تحتفظي بيه وتفتكري إن السړقة ليها تمن
6. العريس
أختي جالها عريس
عريس كويس
مهندس
أمي كلمتني
تعالي شوفيه
مليش دعوة
ده عريس أختك!
وأنا مالي؟ لما سرقتيني مكنتش أختك؟
روحت في الآخر
عشان أختي كلمتني
عايزاكي تيجي
روحت
العريس قاعد
وأهله قاعدين
أمي بتعرفني
دي بنتي الكبيرة. محاسبة. عندها شقة تمليك
أول مرة تفتخر بيا قدام حد
العريس سأل أختي
بتشتغلي إيه؟
قالت
كنت بشتغل تسويق ودلوقتي كول سنتر وبحوش
استغربت إنها قالت الحقيقة
مقالتش بزنس وومن زي زمان
أم العريس سألتني
وإنتي ساكنة لوحدك؟
أيوه
مش خاېفة؟
لا. بخاف من اللي معاهم باسورد حسابي بس
الكل سكت
وأختي ضحكت
أول مرة نضحك سوا من سنة
7. النهاردة
النهاردة شقتي بقى فيها كل حاجة
سرير
تلاجة
غسالة
وأختي حوشت 20 ألف
جت وقالتلي
خديهم
دول إيه؟
جزء من التعويض اللي مش عايزة تاخديه
قلت مش عايزاه
خديهم حطيهم في جمعية ولا اعملي بيهم حاجة لشقتك
خدتهم
وحطيتهم في ظرف
وكتبت عليه
فلوس المخدة
وحطيته فوق التلاجة
وأبويا بقى يجي كل شهر يجيب 1000 جنيه
بقى 12 ألف لحد دلوقتي
وأمي بقت لما حد يسألها عندك كام بنت
تقول
اتنين. واحدة علمتني إن الدلع يبوظ. وواحدة علمتني إن الشقى يعلم
وأنا؟
اتعلمت إن العيلة مش پالدم بس
العيلة باللي لما يسرقك يعترف
ولما يظلمك يعتذر
ولما يقع تلاقيه
واللي مبيعملش كده؟
يبقى حساب بنكي قديم
لازم تغيري الباسورد بتاعه وتنسيها