حقيقه صعبه

زين بعصبيه .. انا مش فاهم انتي مالك في ايه ؟؟! انتي مبقتيش تحبيني ؟؟! 00:00 PreviousPlayNext 00:00 / 01:32 Mute SettingsFullscreen Copy video url Play / Pause Mute / Unmute Report a problem Language Share Vidverto Player قالها و احنا كنا خارجين مع أصحابنا هو حس اني مضايقه وسط القاعده استأذن و طلعنا برا الكافيه و وقفني قدامه يارا بهدوء .. مليش مفيش حاجه ! زين .. بقالك كام يوم مضايقه و مش عارف مالك عمال بخرجك عشان تفكي مش عارف في ايه ! سكت شويه بتنهيده زين .. يارا انا بحبك … انا مستعد اني اعمل كل حاجه عشان تبقي مبسوطه حاولت اتماسك دموعي اللي لو غمضت كانت هتنزل يارا.. انا مقدره كل ده لكن… زين بعصبيه .. لكن لكن ايييييه ! انتي مبقتيش بتحبيني ؟؟! عيوني اتملت دموع مش قادره امسك نفسي بدأت اعيط و قولت بعصبيه لا لا مبقتش بحبك و ارجوك كفايه كفايه بقي انا تعبت انا اتصدمت من كلام يارا ! معقول بعد الحب ده كله تبطل تحبني لقيته مسك دراعي جامد و بعصبيه انتي كدابه .. عينيكي بتكدب انا مش مصدق نفسي معقول بعد الحب ده كله تتخلي عني بالسهوله دي ؟! ارجوك يا زين كفايه انا تعبت .. قولتها بانهيار و انا بتكلم بالعافيه زين .. يارا انتي في حاجه مخبياها عليا ؟! يارا انا اعرفك من زمان .. من و احنا اطفال بنحب بعض ايه اللي حصل لكل ده انا مش فاهم ! في ايه لكل ده ! يارا بانهيار .. في أن احنا خلاص ما بقناش ننفع لبعض و ارجوك كفايه انا مش عايزه اشوفك تاني قولتها و انا بمـ,ـوت من جويا انا مازلت بحبه و محبتش غيره في حياتي بس بس مينفعش .. انا كده بظلمه معايا هو لازم ينساني… زين مسكني من دراعي جامد زين .. مش هتمشي غير لما اعرف في ايه ايه سبب ده كله ؟! طب انا عملت حاجه تزعلك ؟! قوليلي يمكن تكوني فاهمه حاجه غلط ! يارا بعصبيه و دموعها نازله .. سيبني و ارجوك متحاولش توصلي انا خلاص تعبت مش عايزه اشوفك تاني كمل حياتك من غيري احنا مننفعش لبعض ! سبته و مشيت و انا منهاره من العياط مكنتش حابه أن نهايتنا تبقي كده بس مكنش ينفع حاجه غير كده روحت البيت دخلت اوضتي و قفلت علي نفسي و اعدت اعيط رن عليا كتير و مردتش عليه انا مش عايزاه يعرف حاجه علي الاقل الوجع دلوقتي هيكون اهون من بعدين …! صحيت تاني يوم ماما بتخبط علي الباب يا بنتي قوليلي مالك افتحي خليني اتكلم معاكي يارا .. مليش يا ماما سيبيني لوحدي ارجوكي لقيت الموبايل بيرن لقيتها الدكتوره -الو – الو يا دكتور طمنيني – انسه يارا احنا لازم نبدأ اول جلسه كيماوي بكره ! يتبع #حقيقه_صعبه لو لقيت تفاعل هنزل البارت التاني علي طول هو جاهز كده كده ♥️♥️ Edit : شكرا جدا علي التفاعل بجد البارت الجديد ده اللينك بتاعه هنا في الجروب بارت 2 سمعت الكلمه و عيوني اتملت دموع و اعدت اعيط كتير ليه انا ليه يارب كده انا لسه صغيره انا لسه عندي طموح اني اكبر شغلي اكتر معقول ؟! حياتي خلاص هتنتهي قعدت قافله علي نفسي لمده يوم .. في نهايه اليوم بليل لقيت رساله علي الموبايل بصيت علي التليفون لقيت زين – ارجوكي أنا مش مستحمل ابعد عنك فهميني طيب .. فهميني و انا هبعد لو انتي هتكوني مبسوطه بس افهم ..! شوفت المسدج قعدت اعيط بس مردتش تاني يوم الصبح صحيت روحت المستشفي و بما اني بشتغل ف معايا فلوس لعلاجي روحت عملت اول جلسه كيماوي كانت صعبه كنت حاسه ان روحي بتطلع مني حسيت أن نهايتي قربت انا واثقه ف ربنا أنه مش هيسبني بس بس انا من كتر الياس اتحطمت .. حاولت اكمل حياتي قعدت علي الحال ده لمده اسبوع حاولت علي قد ما اقدر ان محدش يعرف و كل تحاليلي كنت مخبياها تحت السرير و بدأت ادخل في حاله اكتئاب عدي اسبوع و انا علي نفس الحال بروح الشغل برجع اكل لوحدي و ادخل اخلص لو ورايا شغل و انام صحيت في يوم بدري روحت تاني مره عشان احدد جلسه الكيماوي لوحدي و كنت معرفه الدكتوره ان محدش يعرف كانت كل مره بتحاول ترفع من معنوياتي و انا إنشاءالله هخف بس انا خلاص اتحطمت…! بعد ما خلصت روحت الشغل و انا في الشركه لقيت زين بصيتله و عيوني دمعت يارا .. انت ايه اللي جابك هنا ده مكان شغل انت اتجننت ؟! زين بعصبيه .. انتي ايه يا بشيخه !؟ انتي بجد كل ده مش حاسه بيا بتنهيده .. يارا انا تعبان من غيرك أنا مش فاهم و لا عارف اكمل حياتي يارا .. خلاص يا زين قصتنا انتهت و من فضلك ده مكان شغل اطلع بره يارا انتي في حد تاني في حياتك ؟! يارا بعياط .. اه يا زين كف… قاطعتها زين .. يارا انتي كدابه .. انا عارفك من زمان و انا واثق انك مخبيه عليا سر كبير انا مش قادر أفهمه يارا بعياط .. خلاص يا زين قولتلك في حد تاني امشي ارجوك ! سكت شويه زين .. همشي .. بس انا عايزك تفهمي حاجه يارا انتي بتاعتي و مش هتكوني لحد غيري انتي سامعه ! طلع و انا انهارت من العياط و استأذنت من الشغل و روحت رجعت أعدت اعيط جامد لقيت التليفون بيرن لقيتها الدكتوره اللي بتابع حالتي كانت بتأكد عليا معاد للجلسه الجايه و قالتلي أن مينفعش اعيط لأن بالشكل ده حالتي هتسوء هديت خالص و قولت ده واقع لازم اتعايش معاه مش كل شويه هقعد اعيط اكلت و نمت تاني يوم رجعت من الشغل و ماما حطتلي الاكل و انا باكل – يارا بقالك كام يوم مش مظبوطه في حاجه مضايقاكي – مفيش حاجه يا ماما انا كويسه سرحت و انا باكل و ماما بتتكلم مركذتش معاها و كنت بهز راسي و خلاص دخلت كنت بخلص الشغل اللي ورايا و سمعت دوشه في الصاله بفتح الباب و عيوني اتملت دموع لقيت … لو لقيت تفاعل اكتر هنزل بارت 3 علي طول هو جاهز كده كده ♥️ #حقيقه_صعبهبارت 3 عيوني اتملت دموع زين ؟؟! لقيت ماما بتقولي – جهزتي و لا لسه ؟! يارا .. ماما هو في ايه ! ! – انتي لسه ملبستيش مش انا امبارح قايلالك ان في عريس جايلك يارا .. مقولتيش حاجه يا ماما مسمعتكيش – يا بنتي و انتي بتاكلي امبارح المهم اجهزي بسرعه قفلت الباب و عيوني اتملت دموع هعمل ايه دلوقتي ؟! لبست بنطلون و بلوزه و لقيت بابا بينادي عليا طلعت و مسحت دموعي و فردت شعري ف قالي ايه رايك يا عروستنا سكت و بصيت في الأرض و عنيا دمعت بابا مش موافقه .. سبتهم و دخلت و قفلت علي نفسي الاوضه اعدت اعيط كتير – يا بنتي افتحي في ايه فهميني – بعياط .. سبيني لوحدي يا ماما ارجوكي! مشيوا و كلهم قعدوا يخبطوا عليا عشان افتح طلعت تاني يوم من الأوضه – انتي في ايه فهميني مالك ؟! و رفضتي العريس ليه امبارح مع أنك تعرفيه من و انتي صغيره و مامته صحبتي و سببتيلي احراج معاها – مفيش حاجه يا ماما مش عايزاه .. – رايحه فين طيب – طالعه اشم شويه هوا سبتهم و نزلت روحت الجالسه خلصت و حسيت اني تعبانه اوي روحت البيت و نمت شويه صحيت من النوم علي صوت الموبايل لقيت اكتر من 20 رنه من زين انا اتخضيت خوفت يكون في حاجه حصلت رديت يارا .. انا عايز اقابلك ضروري .. ارجوكي لو هتبقي اخر مره في حياتي ! يارا .. في حاجه طيب طمني ! زين .. لازم اشوفك بكره ارجوكي ! يارا .. حاضر هقابلك بكره فضلت صاحيه طول الليل عماله افكر اكيد عايز يقولي نرجع أنا مباش عندي حجج تانيه و مقدرش أقوله الحقيقه من كتر الوجع اللي في جسمي نمت تاني يوم باليل نزلت قابلته زين .. اتفضلي يارا .. في ايه يا زين ! زين .. يارا انا بحبك يارا .. تاني يا زين ! زين .. يارا انا عرفت كل حاجه .. يتبع #حقيقه_صعبهبارت 4 اتصدمت يارا .. عرفت ؟! زين .. ايوه يا يارا عرفت كل حاجه بلعت ريقي يارا بتوتر .. عرفت ايه يا زين زين بعياط .. ليه يا يارا مقولتليش من الاول ليه عملتي فينا كده ؟! بعصبيه .. انتي عارفه اني اكتر واحد هبقي معاكي ! يارا .. انت عرفت منين ؟! زين .. فضلت مراقبك عشان عارف انك كنتي بتكدبي و كل يوم بفضل اراقبك كنت متاكد ان في سر لغايه ما شوفتك في يوم نازله من المستشفي قولت يمكن بتشوفي حاجه معرفش و انا براقبك شوفتك مره تاني قلقت عليكي طلعت علي طول بعد ما نزلتي و سالت عليكي كل الدكاتره لغايه ما وصلت للدكتوره بتاعتك و شرحتلها علاقتنا و أن تصرفاتك كانت غريبه كنت عايز اعرف بتتعالجي من ايه و قعدت اتحايل عليها لغايه ما حكتلي كل حاجه عشان احاول اساعد في علاجك زين بعصبيه و الدموع ملأت عيونه .. ليه كل ده ؟! ليه يارا بانهيار و زعيق .. عشان مكنتش عايزه شفقه من حد ! مكنتش عايزه اشوف نظره شفقه في عين اي حد زين .. ايوه بس انتي عارفه اني بحبك و متأكد أن انتي كمان بتحبيني عمر نظرتي ما كانت هتبقي شفقه ابدا .. كانت هتبقي كلها حب زي ما كانت .. قعدنا احنا الاتنين نعيط يارا .. زين انا شعري بدأ يقع انا خلاص بتنهي .. زين بعصبيه .. لا يا يارا متقوليش كده انا جمبك صدقيني عمري ما هتخلي عنك خلاص اهدي عشان خاطري ! هدينا شويه .. زين .. ليه قولتيلي انك بطلتي تحبيني ؟! ليه قوليتي أن في حد تاني ؟! يارا بعياط .. عشان مش عايزاك تتعلق بيا اكتر من كده علي الأقل الوجع هيكون أقل من اني افارقك لنهايه الحياه ! زين بابتسامه .. تعرفي أن الفتره دي كنت بتعلق بيكي اكتر و اكتر كنت كل يوم بتأكد اني بحبك اكتر و مش مستحمل انك تبعدي عني لحظه ضحكت و فرحت أن في حد بيحبني كل ده يارا .. انا مكنتش اتخيل انك بتحبني كل ده بس خايفه أني .. زين .. اششش متكمليش انا معاكي و مش هسيبك لحظه و هتخفي و هنتجوز و هنعيش في سعاده طول حياتنا يارا .. بجد ؟؟! زين .. بجد يلا قوليلي الجالسه اللي جايه هتكون امتي يارا .. لا بلاش مش عايزاك تشوفني و انا تعبانه زين .. لا انا لازم اجي معاكي صدقني مش هيحصل حاجه تاني يوم روحنا المستشفي و دخلت عشان الكيماوي لقيته عيونه مدمعه قبل ما ادخل دمعت اول ما شوفته بصلي و عيونه مليانه امل زين .. صدقيني هتبقي سهله يارا .. اتمني دخلت الجلسه و طلعت تعبانه اوي و احنا في العربيه يارا و عيونها كلها دموع .. زين انا شعري بدأ يقع و هيقع كل و هيبقي شكلي وحش .. زين .. تعرفي اني بشوفك احسن واحده في الدنيا ضحكت ضحكه مكسوره يارا .. انا بحبك اوي زين .. انا اكتر و احنا في العربيه جاله تليفون زين .. الو يا سيف انت بتقول ايه انا جاي حالا يارا .. ماله سيف زين .. بيقولي أن مامته قاطعه النفس لازم نروح له بسرعه نوديها المستشفي هاخدك معايا مش هلحق اوصلك يارا .. طيب دخلنا ڤيلا كبيره كانت ظلمه فجاه النور كله نور يارا بصدمه .. زين ايييه ده ؟! يتبع #حقيقه_صعبه جماعه بجد شكرا علي التفاعل القمر ده بجد فرحتوني جدا و عايزه تفاعل اكتر علي البارت ده عشان البارت اللي بعده فيه تشويق ♥️♥️♥️♥️بارت 5 لقيت صحابي كلهم و زين عاملي حفله كبيره اوي زين .. كل سنه و انتي طيبه يارا .. زين انت عملت كل ده امتي ؟! زين .. كنت مجهز كل حاجه .. كل سنه و انتي طيبه يارا بضحكه .. تصدق اني كنت ناسيه عيد ميلادي زين بضحكه .. بس انا مقدرش أنساه ده انا حافظه اكتر من اسمي يارا .. شكرا بجد علي كل حاجه و انت طيب زين .. طيب يلا عشان نطفي الشمع الحفله كانت جميله اوي روحت البيت دخلت نمت علي طول عشت حياتي طبيعي و للاسف اضطربت اني اعرف اهلي لان فلوسي من الشغل مكنتش مكفيه قولتلهم و زعقولي كتير اني ازاي كنت مخبيه حاجه زي كده اتاقلمت علي حياتي و بطلت انزل الشغل و حالتي كل يوم كانت بتسوء ايامي بقت كلها شبه بعض زين .. كان دايما بيحاول يفرحني في يوم قومت مفزوعه الموبايل رن كتير لقيت الدكتوره -الو – الو يا يارا – خير يا دكتوره في حاجه و لا ايه – اخر تحاليل مش بطمن خالص لازم عمليه فورا – بقلق .. حاضر هلبس و اجي رنيت علي زين و حكيتله اللي حصل قالي البسي جايلك بسرعه وصلنا المستشفي و دخلنا يارا .. زين انا خايفه زين .. متخافيش انا جمبك ! – يلا يا يارا بسرعه دخلت العمليات كنت مش قادر ابص عليها كل ما اشوفها اعيط لقيت مره واحده النبض وقف ! اتصدمت اييييييه ؟! لا انا اكيد بحلم يتبع #حقيقه_صعبه شكرا بجد علي التفاعل الجميل ده حقيقي ♥️ و هستني تفاعل اكتر علي البارت ده عشان البارت الجديد ينزل بسرعه ♥️♥️♥️ و لو عايزين تقروها من اول بارت دوسوا علي الهاشتاج ده #حقيقه_صعبه هيجلكم كل أجزاء الروايه لغايه البارت ده ♥️بارت 6 ♥️ لا اكيد لا لقيت الدكاتره بيعملوا لها بالصدمات الكهربا انهارت مره واحده يارب لا يارب عشان خاطري بشوف الدكاتره و هي عماله تعلي الصدمات الكهربائية اكتر و خلاص اخر محاوله زين يانهيار .. يااااارب لقيت الممرضه بتمسك الغطاء الابيض و بتقول للدكتوره كده خلاص ؟ لقيت الدكتوره شاورتلها اعملي اخر مره بالصدمات زين بانهيار .. يارا ارجوكي قومي .. مش هستحمل بصيت علي الجهاز لقيت النبض رجع فرحت و لسه عمال اعيط زين .. شكرا ليك يارب شكرا حقيقي .. طلعت الدكتوره – اشكر ربنا بجد ربنا يشاء أن في اخر مره النبض يرجع عيطت اكتر من كتر الفرحه – بس هي هتتحجز فتره في المستشفي عشان لسه في حاجات كتير لازم تتعمل دخلت عليها بعديها بساعه زين .. انتي عارفه اني كنت همـ,ـوت لو حصلك حاجه عيطت اكتر يارا انتي كل حياتي انا عايش عشانك ! زين .. انا بحبك اوي اوي حقيقي يارا .. و انا اكتر قعدت في المستشفي فتره و اهلها جم و مامتها فضلت معاها اتحسنت حالتها شويه – عندي ليكم خبر حلو اوي و احنا بنعمل العميله اكتشفنا أن الورم طلع حميد و ان للاسف التحاليل كان فيها غلط و ان نبضك أتوقف ف ده بسبب أن العمليه كانت صعبه عليكي و معني كلامي أن خلاص هتحتاجي عمليه تاني و خلاص هتنسي الايام دي كلها كلنا فرحنا جدا و مامتها زغرطت عدي كام يوم عملت العمليه و طلعت فرحانه بس كانت تعبانه شويه الدكتوره قالت لازم ترتاح كام يوم اول ما طلعت يارا .. زين انا خلاص خفيت زين .. شوفتي أن كلامي كان صح ازاي ؟! يارا .. انا مش عارفه من غيرك كان زمان حصلي ايه حقيقي انت اغلي حاجه في حياتي من غيرك كان زماني مـ,ـوت حـ,ـضنتها و عيطنا من كتر الفرحه استريحت و روحت اتقدمت و اتخطبنا و مكملناش غير 3 شهور و اجوزنا زين .. ايه ده خلاص هنشرب شاي بلبن في بلكونه واحده ضحكت يارا .. انا مش مصدقه نفسي اني هكمل بقيت حياتي معاك حقيقي يا بختي بيك عمري ما تخيلت أن كل ده يحصل معايا و أن في حد ممكن يحبني كده انا عايشه عشانك مش اكتر .. زين بضحكه .. طب يلا نشرب شاي بلبن مع بعض في بلكونه واحده يارا .. بحبك اد البحر و سمكاته زين .. تؤ تؤ محتاجه تضعفي كلامك كتير اوي عشان تعرفي حبي ليكي اد ايه .. #حقيقه_صعبه نهايه سعيده تمت بنجاح شكرا علي التفاعل حقيقي بجد فرحتوني جدا و كالعاده هستني رايكم و شجعوني عشان انزل قصص كده مشوقه برضو