هو صقر وهي بنت عمه اللي عمه فضل مخبيها سنين من مراته الأولي لكن لما أمها اتوفت اضطر يقول إن عنده بنت لكن هيتفاجيء أن خالها أحدها يشغلها خدامه لمراته ومن هنا تبتدي الحكايه وهنشوف صقر هيلاقيها ويعمل فيها ايه وهيناقم ليها ازاي؟؟ ....... أنا رايدك تروح تجيبلي بتي يا صقر يا ولدي صقر وهو مش فاهم كيف يعني أجيبلك بتك وبتك مين؟ انت اصلاً ما خلفتش يا عمي ولا انت ناسي؟ عرفان بتنهيدة أنا كنت متجوز يا صقر ومن سنين يا ولدي، بس خبيت عشان مرت عمك. انت خابرها زين، طول عمرها وهي متسمعش غير لحالها، وانا كان نفسي في حتة عيل يشيل اسمي. صقر بصدمة وجدية متجوز يا عمي؟ وانت كيف خبيت علينا كل ده؟ وبعدين ده حجك يعني مكنش لازم تخبي. عرفان بعينين حزينة منا جولتلك خبيت عشان شهيرة مراتي. جولت برضك أراعي شعورها بموضوع الخلفة، وامك الله يرحمها كانت خابرة وابوك كمان. صقر بيحرك راسه ببطء دلوقتي فهمت ليه كنت بتسافر كتير مصر وكل شوية تجول شغل وأرزاق. عرفان بيقرب منه بلهفة مرتي التانية ماتت يا ولدي، ولما وصلت مصر كنت رايد أدفنها بإيدي واخد عزاها، بس لقيت أخوها سبجني ودفنها وخد بتي مني. صقر بغضب مكتوم طب والبنتة؟ كيف خدوها منك؟ هي سايبة ولا ايه عاد؟ عرفان بصوت مكسور جالولي إنها بنتهم وإنهم أولى بيها، ومارضيوش يدوهالي، وانا هتجنن يا ولدي، بت عمري اكدت تروح مني ومش جادر أجيبها تعيش معايا اللي فاضلي من عمري. صقر بهدوء اهدي يا عمي وكل حاجة هتبجي زين، بس جولي، مش يمكن بتك رايدة تعيش معاهم يا عمي ومش هترضى تعيش أهنه؟ عرفان بحزن ولهفة لا يا صقر، بتي متعلجة بيا جوي، بتبجي مستنياني على أحر من الجمر عشان بتحبني، وهي اللي كلمتني وقالتلي ان أمها ماتت واني مهملهاش لمرت خالها، لأنها بتعاملها وحش، وقالتلي تعال خدني يا بابا عشان خالي بيقول إنه مش هيخليك تاخدني وهياخدني عنده. صقر صوته بدأ يهدى يعني هي اللي كلمتك، تمام جوي. عرفان بحزن أيوه ولسة يدوب من يومين، قالتلي التليفون اللي جبتوهولها خدوه منها، ومخليينها خدامة! تخيل! خدامة في بيت خالها يا ولدي. صقر بيكتم غضبه متقلقش، بس المطلوب مني إيه غير إني أرجعلك بتك يا عمي؟ عرفان بيمسك إيده بامتنان تسلم يا ولد أخوي، أنا مش رايد غيرها تعيش هنا في بلدي، بين أهلي، مش رايدها هناك وسط ناس بتبهدلها. أنا كبرت يا صقر، ومش ضامن العمر، ورايد أعيش اللي باجيلي مع بتي. صقر بجدية هجيبهالك يا عمي، وعد. متقلقش. انت بس، مرت عمي أهنه، لما تعرف ناوي تعمل ايه معاها؟ عرفان بعين ثابتة ولا فارقلي حد، لا مرت عمك ولا غيرها، بتي هي اللي تهمني، وشهيرة غصب عنها هترضي بالأمر الواقع. صقر بصوت واثق طيب يا عمي، أنا هجيبها وهرجع بيها هنا، متقلقش. عرفان بلهفة هي مستنياك، كل فترة بتتصل، وانا طمنتها وجولتلها: هشيعلك واد عمك صقر هيجيبك. صقر بعزم تمام يا عمي، متقلقش. انت وشوف هتجول إيه لمرت عمي وتفهمها كيف ان ليك بنتة. عرفان وعينيه بتملي دموع ربنا يبارك فيك يا ولدي، ربنا يفرح جلبك كيف ما ريحت جلبي. صقر قبل ما يمشي صحيح يا عمي، بتك اسمها إيه؟ عرفان بابتسامة واسعة اسمها شمس، وخلي بالك منها يا صقر، دي شمس جلبي. صقر بابتسامة علي حنية عمه حاضر يا أبو شمس، متقلقش عليها، دي في حمايتي من أهنه ورايح. --- في بيت خالها كانت واقفة شمس في المطبخ بتغسل المواعين ودموعها بتنزل بحزن، وهي بتفتكر أيام ما كانت أمها عايشة، وكانت بتتعامل بحنية منها ومن أبوها. وغصب عنها، فجأة الطبق اتزحلق من إيديها واتكسر، فقلبها اتقبض لما سمعت صوت مرات خالها "أفكار" وهي داخلة عليها بغضب. أفكار بانفعال وصوت عالي يعني هو أنا ناقصه كسر كمان يا وش النحس! مش كفاية عايشة على حسنا، كمان تكسريلي الأطباق؟ ما تركزي يا بت انتي، أحسنلك. شمس بخوف وهي بتلم الطبق أنا آسفة يا مرات خالي، والله ما كان قصدي، الطبق اتزحلق من إيدي عشان كان في صابون و... أفكار بتقرب منها وتشدها من دراعها ولا صابون ولا يحزنون! أنا مش أمك، فاهمة؟ لو أمك كانت ربتك، ماكنتيش بقيتي عالة كده، وكمان فاشلة، مش كفاية خدامة ببلاش! عين شمس بتدمع وبتحاول تمسك دموعها، وردت بصوت مهزوز أنا مش خدامة، أنا بس كنت بحاول أساعد، وماما الله يرحمها ما كانتش هترضى أتهان كده. أفكار اتعصبت وردت بغضب بقى ليكي لسان و بتردي كمان! طب استني لما أفرجك يا شمس، أنا هربيكي بطريقتي. قالت كدة "أفكار" وقربت من شمس عشان ت*ض*ربها، وشمس خافت وسابت كل اللي في إيدها وجريت، وقلبها بيدق من الخوف ودموعها نازلة، وهي بتهرب ناحية الباب، وكانت إيدها بتترعش وهي بتفتحه بسرعة عشان تهرب، ومش مهم هتروح فين، بس فجأة بتلاقي... قدامها صقر قدامها اللي بصلها، وعرف من دموعها إنها شمس. صقر بصوت هادي إنتي شمس؟ شمس بلهفة انت صقر، صح؟ صقر بهدوء أيوة، أنا ابن عمك. ابتسمت شمس فجأة وكأنها لقت طوق النجاة، وقربت منه بتلقائية، ووقفت وراه وهي بتمسك في هدومه. فاتوتر صقر من طريقتها، بس مبينش. عماد بغضب وهو خارج من أوضته خير! إنت مين وعاوز إيه؟ وانتي يا مقصوفة الرقبة تعالي هنا! صقر بهيبة لايقة عليه أنا صقر، ابن عم شمس، وجاي أخدها. عندك مانع؟ عماد بغضب وخوف من جواه يعني إيه تاخدها؟ هي سايبة ولا إيه؟ إنت فاكر نفسك مين؟ أنا خالها و... صقر قطع كلامه بهدوء يخوف شمس هتيجي معايا، ولو خايف علي اللي باجي من عمرك، يبجي تحط لسانك في خشمك، لأني لما بتعصب مبشوفش جدامي، وأحسنلكم انتو الاتنين تنسوا إنكم تعرفوا شمس... فاااهمين؟ قال صقر جملته الأخيرة بصوت قوي، خلا عماد يتوتر ويخاف هو وأفكار، ويبصوا لبعض بقلق، أما شمس فكانت متبتة فيه، كأنها خايفة يسيبها ويمشي. صقر بجدية خشي خضري شنطتك يا شمس. شمس بلهفة أنا محضراها، هي ورا باب المطبخ اللي كنت بنام فيه، هجيبها بسرعة. أوعي تمشي والنبي. #من_قلب_نون_لقلبك اتصدم صقر لما عرف إنها كانت بتنام في المطبخ، وبص لعماد وأفكار بغضب. عماد بتهتهة إنت مش فاهم الوضع، هي زي بنتي، بس كنت لسه بوضبلها أوضة و... صقر قرب منه خطوة وصوته بقى أوطى وأخطر لو هي كيف بتك، ما كنتش خليتها تبكي قدامي، ولا تخدم مرتك، وتخليها تعاملها عفش! بت عرفان الدمنهوري مش خدامة عند حد، والبنتة دي من النهاردة في حمايتي أنا. صقر وهو يبص لشمس اللي واقفة بشنطتها يلا يا شمس. شمس بلهفة أنا جاهزة. #عيش_الابداع أخدها صقر ومشي، وهي قلبها أخيرًا مطمن، ومكنتش قادرة تصدق إنها سابت البيت ده أخيرًا، وكله بسبب ابن عمها، اللي أول مرة تشوفه بعد ما كانت بتسمع عنه بس من أبوها. #عشق جوة العربية، كان الهدوء مالي المكان، وصقر سايق ومركز قدامه، وشمس قاعدة جنبه، ماسكة طرف طرحتها وساكتة شوية، وبعدين فجأة... يتبع...لو عجبتك الرواية لايك وسيبلي كومنت وهرد عليك باللينك هنا ❤️
