ليان بنت صغيره

ألف سلامة عليكي يا ليان.. الحمد لله على كل حال وربنا يعوضك بالأحسن ويكتبلك الخير كله، انتي تستاهلي كل حاجة حلوة واللي جاي أحلى بكتير والله 🤍

&
ليان بنت عندها تلاتة وعشرين سنة ساكنة في حارة شعبية في شبرا مع امها الست ريم اللي ست طيبة وبتشتغل خياطة من يوم ما ابوها مات وسابهم مديونين. ليان كانت بتدرس تجارة وبتشتغل في نفس الوقت عشان تساعد امها وكانت بنت عنيدة جدا ولسانها طويل بس قلبها ابيض زي اللبن. بعد ما اتخرجت قعدت ست شهور تدور على شغل لحد ما لقت اعلان شركة مالك جروب للاستيراد والتصدير طالبين سكرتيرة بمرتب كويس. راحت وقدمت واتقبلت. اول يوم شافت فيه مديرها اتصدمت. ياسين مالك عنده تلاتين سنة شاب طويل وعريض ولابس بدلة غالية وشكله يقول انه مولود وفي بوقه معلقة دهب. مغرور لدرجة انه مبيبصش لحد وكل كلمة عنده بفلوس. ياسين وارث الشركة عن ابوه الله يرحمه بس ابوه كاتب في الوصية انه لازم يفضل متجوز لمدة سنتين جواز مستقر والا الشركة تروح لابن عمه سيف. وهو كان متجوز جواز صوري واحدة اسمها جني بنت رجل اعمال صاحب ابوه عشان يرضي الوصية. جني كانت عايشة في دبي ومش فارق معاها غير الفلوس والشهرة. ليان من اول يوم وهو بيعاملها كأنها خدامة مش سكرتيرة. يقولها يا بنت انتي جاية منين يا فقيرة انتي فاكرة نفسك هتبقي حاجة هنا ولا ايه. وهي كانت بترد عليه وتقوله انا فقيرة اه بس بفلوسي وشقايا مش بفلوس ابوك يا استاذ ياسين. كان يتجنن منها عشان محدش بيرد عليه. كل يوم يرمي عليها شغل يكفي عشرة ويقولها لو مخلصتيش قبل خمسة هخصملك نص المرتب. وهي كانت بتسهر وتخلصه عشان متديش فرصة لحد يذلها. عدت شهور وهي مستحملة عشان المرتب كان بيخليها تسد ديون ابوها وتجيب علاج لامها ريم اللي عندها ضغط وسكر. في يوم الشركة كانت بتخسر صفقة كبيرة عشان جني مراته الصوري سافرت مع واحد تاني واتصورت والصور نزلت في مجلة. عيلة ياسين عرفوا ان الجواز صوري وان جني بتخونه حتى لو صوري. جده تعب ودخل المستشفى وقال لازم اشوف ياسين مستقر بجد قبل ما اموت. ياسين اتزنق زنقة الكلاب. المحامي قاله جدك هيغير الوصية لو عرف ان جوازك مزيف وهتخسر كل حاجة. سيف ابن عمه كان واقف مستني اللحظة دي عشان ياخد الشركة. ياسين قعد يفكر هيعمل ايه لحد ما عينه جت على ليان وهي داخلة بملف. ليان كانت لابسة بلوزة بسيطة وجيبة طويلة وشعرها مربوط بكحكة ووشها مرهق بس عنيها فيها كبرياء يخلي اي حد يحترمها غصب عنه. قالها بقولك ايه يا ليان عاوزك في موضوع مهم. قالتله نعم يا مستر ياسين. قالها انا هعرض عليكي عرض. تمثلي انك حبيبتي ومراتي المستقبلية قدام عيلتي لمدة شهر واحد بس لحد ما جدي يخف واثبت للكل اني اتغيرت وانفصلت عن جني عشان بحب واحدة تانية بجد. وهتاخدي قصاد ده خمسين الف جنيه. ليان اتصدمت وقالتله انت مجنون يا استاذ انت فاكرني ايه فاكر كل حاجة بفلوسك تشتريها. قالها يا بنتي افهمي ده شغل وتمثيل وانتي محتاجة الفلوس وامك تعبانة. قالتله لو هموت من الجوع مش هبيع نفسي وكرامتي. خرجت وهي بتعيط من كتر ما هي مضغوطة. روحت لامها ريم وحكتلها. ريم قالت لها يا بنتي الظروف صعبة واحنا علينا ايجار متأخر تلات شهور والدكتور قال لازم اعمل تحاليل بخمس تلاف جنيه. ليان قعدت طول الليل تفكر. تاني يوم راحت لياسين وقالتله موافقة بس بشروطي. اولا محدش يلمسني. ثانيا التمثيل قدام عيلتك بس. ثالثا متذلنيش تاني قدام الموظفين. قالها موافق. بدأت المسرحية. ياسين خد ليان ووداها مول كبير جابلها فساتين غالية وجزمة وشنطة. ليان كانت مكسوفة جدا وعمرها ما لبست حاجة غالية كده. اول عشا عند عيلة مالك كان في فيلا كبيرة في التجمع. ليان دخلت وهي مرعوبة. عيلة ياسين كلهم بيبصولها من فوق لتحت. مامته كانت ست شيك جدا اسمها عالية. قالت لها انتي بقى اللي لحستي دماغ ياسين ابني. ليان بلعت ريقها وقالت باحترام لا يا طنط انا وياسين بنحب بعض بقالنا فترة. ياسين مسك ايدها فجأة وقال ايوه يا ماما ليان غيرت حياتي خلتني اشوف الدنيا بشكل تاني. سيف كان قاعد وبيبص بنظرة كلها شك. قال يا سلام يا ياسين بسرعة كده نسيت جني وحبيت السكرتيرة. ياسين اتوتر بس ليان ردت بذكاء قالتله الحب مبيستأذنش يا استاذ سيف ولو كنت جربته كنت هتعرف. الكل سكت. جد ياسين كان قاعد على كرسي متحرك وبص لليان وقال انتي شبه مراتي الله يرحمها كان عندها نفس العناد في عنيها. ليان ابتسمت وحست ان الراجل ده طيب. بعد العشا ياسين وصلها بعربيته. طول الطريق ساكتين لحد ما قالها كنتي هايلة النهاردة. اول مرة حد يسكّت سيف. ليان ضحكت غصب عنها. قالها ضحكتك حلوة لما بتضحكي بجد مش وانتي عاوزة تضربيني. قالتله وانت كمان لما بتبطل غرور بتبقى بني ادم. من هنا بدأت حاجة تتغير. كل يوم ياسين بقى ياخدها معاه حفلات واجتماعات على انها حبيبته. بقى يشوفها وهي بتتعامل مع الناس ببساطة وجدعنة. مرة سواق الشركة تعب وهي اللي جريت جابتله دوا وقعدت جنبه. مرة عاملة النضافة عيطت عشان ابنها عيان وليان ادتها كل الفلوس اللي في شنطتها. ياسين كان بيراقبها ومستغرب ازاي بنت فقيرة وبتساعد غيرها وهو غني ومبيساعدش حد. بدأ يحب قعدتها. بقى يستناها الصبح بالقهوة اللي هي بتحبها. بقى يسمعها وهي بتحكي عن امها ريم وعن حلمها تفتح مشروع خياطة صغير لامها. ليان كمان بدأت تشوف ياسين التاني. الولد اللي ابوه مات وهو صغير وامه سابته وسافرت وجدو رباه بقسوة عشان يبقى راجل. عرفت ان غروره ده قناع بيخبي بيه وجعه. في يوم عيد ميلاد ليان ياسين عملها مفاجأة. زين الشركة كلها ورد وجابلها تورتة. ليان عيطت لان محدش افتكر عيد ميلادها من يوم ما ابوها مات. قالتله انت ازاي عرفت. قالها من ملفك يا غبية. حضنها اول حضن حقيقي مش تمثيل. ليان حست قلبها بيدق جامد. ومن ساعتها بقت تستنى نظراته. بقت تاخد بالها من لبسها عشانه. وهو بقى يغير عليها من اي حد يكلمها في الشركة. مرة سيف حاول يتقرب منها وقالها انتي خسارتك مع ياسين ده مغرور انا اقدر اخليكي ملكة. ليان صدته وقالتله ياسين برقبتك ورقبة عشرة زيك. ياسين سمعها وطار من الفرحة. بعدها بأسبوع جده خف وطلب يشوفهم في الفيلا. قالهم انا فرحان بيكم وقررت اكتب الشركة باسم ياسين نهائي واعمل فرح كبير ليكم الاسبوع الجاي. ليان اتصدمت وبصت لياسين. ياسين كان فرحان بس شايف الخوف في عنيها. روحوا سوا. في العربية ليان قالتله خلاص المسرحية خلصت. انت خدت اللي انت عاوزه وانا خدت الفلوس. لازم ننهي الموضوع. ياسين سكت وقالها وانتي عاوزة تنهيه بجد. قالتله اه. قالها طب افرضي انا مش عاوز انهيه. ليان قالتله يعني ايه. قالها يعني انا حبيتك بجد يا ليان. مش تمثيل. اول مرة في حياتي احب حد بجد. انتي خليتيني بني ادم كويس. قعدت تعيط وقالتله انت بتضحك عليا تاني. هو ساق بسرعة ووقف عند الكورنيش وقالها بصي في عنيا وانتي هتعرفي اني مش بكدب. ليان كانت عاوزة تصدق بس خايفة. في نفس اليوم وهي بترتب مكتبه لقت ظرف مرمي. فتحته لقت فيه ورق الاتفاق اللي مضته اول يوم وصورة ليها وهي بتاخد الفلوس من خزنة الشركة وكان ياسين مصورها. وفوق الورق نوت بخط ياسين كاتب فيها خطة ازاي يخليها تحبه عشان جدو يصدق اكتر. ليان حست ان الدنيا بتلف بيها. كل ده كان خدعة. حتى الحب كان جزء من الخطة. افتكرت كل كلمة حلوة قالها وكل نظرة وكل حضن وكل حاجة طلعت كدب في كدب. جريت على بيتهم وهي منهارة. ريم شافتها وقالت مالك يا بنتي. حكتلها كل حاجة وهي بتعيط وبتترعش. قالت لها يا ماما انا حبيته بجد وهو كان بيخدعني. انا كنت فاكرة اني قوية ومحدش يقدر يكسرني بس هو كسرني. ريم حضنتها وقالت لها معلش يا بنتي الرجالة الاغنيا دول ميعرفوش يحبوا. هما يعرفوا يشتروا بس. وانتي قلبك اغلى من كنوز الدنيا. تاني يوم ليان مقدمتش استقالتها راحت الشركة ورمت الفلوس والورق في وش ياسين قدام كل الموظفين