سالم

زاهر .. خلاص ادفعلها
سليمان .. انت اتخبطت في نافوخك !! انا ادفع للمعفنه دي ٢ مليون جنية؟!!
زاهر .. ما هو انت لازم تدفعلها عشان تضمن سكاتها بدال ما تتكلم وتوديك في داهية
سليمان .. توديني!! قصدك تودينا كلنا انت ناسي انك وعطية كنتوا معايا في الحا\\\دثة دي
زاهر .. مش ناسي يا سيدي فاكر وكانت غلطة اهو كله بسبب عطية قعد يقلك ايصالات الامانة اللي واخدها عليا انور في خزنة ڤيلته ساعدوني اجيبها ورحنا وطلع لا في ايصالات ولا بحزنون وارتكبنا جـ,ـريمةبالكدب
سليمان .. وبعدين انت مين قالك اني لو عطتها ٢ مليون جنيه هينتهي الموضوع وهتسكت وهتسيبني في حالي !! بالعكس هتفضل كل شوية تبتذني علي حس الموضوع ده وانا هدفع ورجلي فوق رقبتي بدال ما انكشف واروح في داهية واخسر كل اللي انا وصلتله دلوقتي وانا معنديش استعداد اخسر اللي انا فيه دلوقتي
زاهر .. طب والعمل ؟!!
سليمان .. نخلص منها
زاهر .. عايز تخلص من بنتك يا سليمان ؟!! انت اتغيرت اوي !!
سليمان .. واخلص من اي حد يفكر يهد المجد اللي انا فيه ..
زاهر .. بس انا مليش في سكة دي والمرة اللي فاتت كانت غلطة وانت عارف

سليمان .. كررها تاني عشان مصلحتك ومتنساش اني لو وقعت هتقع معايا انت وعطية وهتخسروا انتوا كمان العز والجاه اللي انتوا فيه
زاهر .. طب عاوزينا نعمل ايه بالظبط
سليمان .. اشوف وهكلمك تاني بس ادي فكرة ل عطية عشان يستعد .سلام.
ويعتزم سليمان واصدقائة اشرقت للتخلص منها حتي لا تصبح مصدر تهديد مستمر لهم فاتفقا علي ان يقابلها ابيها في مكان مهجور بحجة اعطائها المبلغ الذي طلبته ثمدون ان يشعر بهم احد واتصل سليمان ليقابل اشرقت في مكان مهجور وتذهب اشرقت لمقابلته
اشرقت متعجبه .. ايه المكان اللي انت جايبني فيه ده ؟!! مكنش ينفع نتقابل في المكتب عندك ؟!
سليمان .. لا مينفعش انا قلتلك ان موقفي حساس ومش عايز حد يعرف انك بنتي .. كفاية المرة اللي جيتيلي فيها ومن ساعتها والكل عاوز يعرف مين انتي !!
اشرقت .. للدرجه دي مستعر مني .. مع انك انت السبب في حالي ده !
سليمان .. وضعي دلوقتي ميسمحش ان يكون في حياتي نقطه سودا زيك تبقي عاملالي قلق ليل ونهار وممكن تهد في لحظة كل انا عملته ووصلتله
اشرقت .. علا ليه يا سليمان ؟!!
سليمان .. عشان شافت وشي لما هجمـ,ـت علي فيلا الراجل اللي انتي معتبراه دلوقتي ابوكي ساعتها صرخت بصوت عال عشان متفضحنيش

اشرقت .. للدرجة دي مبقاش عندك قلب ولا رحمة !!
سليمان .. انا ادمر اي مخلوق ممكن احس بخطر من ناحيته .. وانتي دلوقتي بقيتي مصدر قلق بالنسبة لي ولازم اخلص منك
وفجأة يظهر عطية وزاهر ويمسكوا اشراقت من ذراعيها ليقيدوا حركتها
اشرقت .. انن هتعمل ايه ؟!! ومين دول ؟!!
سليمان .. دول اللي كانوا معايا ساعة ما نطينا علي الفيلا بتاعة انور و بنته سوا كل واحد فينا طـ,ـعنها طعـ,ـنه عشان نبقي كلنا مشتركين في الجـ,ـريمة وادينا اتجمعنا تاني عشان نعيد الكرّة تاني معاكي
اشرقت .. اه يا وحوش يا مجرمين .. سيب ايدي انت وهو .. عاوز بنتك يا سليمان !! مش كفاية مرة قبل كدا بظل\مك وانانيتك وحبك للمال .. عاوز مرة تانية!!
سليمان ..وهتبقي اخر مرة تزعجيني فيها .. سلام يا اشرقت
واثناء قيامه بتوجيه المسـ,ـدس ناحية اشرقت يهجم البوليس ويقول الضابط
الضابط .. ارمي السـ,ـلاح اللي في ايدك يا سليمان وسلم نفسك