بالحب نستطيع بقلم مريم سمير
_أنت تعباـ،،ـن يبني؟ انا اكبر منك ب 3 سنين وجايي تتقدملي
=مريم!!!
_ها عاوز ايي؟
=هنتخطب امتيي؟
_أنت مش طبيعي، انت تعـ،،ـبان يبني!!
=متقوليش يبني ديي تاني
_احمد انا مش بهزر، انت جايب اهلك ليي وجايي تطلب حاجه مستحيله
=هو انا جايبهم من الصين!! دا شقتنا قدام شقتكم
_احمد انا مش بهزر دلوقت والله، انت جايي ليي؟
=عشان اتجوزك
_أنت عاوز تجننيي؟ انت السنه الي فاتت كنت بذاكرلك للكليه
=انتي مش فاهمه حاجه يمريم
_فاهمه اننا صحاب جامد وبس
=مش فاهمه قد ايي انا بحبك!!
_..
=وحاولت والله حاولت ابعد بس مفيش حد شبهك، والله يمريم حاولت ابعد بس في كل مره كنت بجيلك اول متحصليي مشكـ،،ـله، لما اكون بكلمك بحس اني فرحان وان دا احسن وقت في يوميي، من ساعه مـ،،ـسكنا هنا من 8 سنين وانتي بقيتي صحبتي والوحيده، اي مش بتلاحظيي اني مش بكلم غيرك!!، وعلى طول بتمديلي ايدك لما احتاجك، والله غصب عني وقـ،،ـعت، في كل مره كنت ازعلك فيها عشان احاول متعلقش بيكي اكتر من كده، بس خلاص حصل الي حصل، لما جبت مجموع كليه تجاره كنت مبسوط اويي، كنت بتحجج ب ايي حاجه في المنهج عشان تشرحيهالي واشوفك اكتر، انتي ليي انانيـ،،ـه ورافضـ،،ـه تديليي فرصه، فرصه واحده بس عشان اثبتلك كلامي دا وانه مش كلام وخلاص
_..
=انا همشيي، كده كده انا مقولتش لأهلي هي زياره عاديه ليكي، بس بشوف رد فعلك، بس تعرفي، انا هفضل احاول يمريم عشان اوصلك
اتعصب واتغيرت ملامحه= وايي حد هيتقدملك هقطـ،،ـعلك رجله عشان ميبقاش قدامك غيري ونحكي ل ابو بكر وموسى وخديجه قصه حبنا ال..
_مين ابو بكر وموسى وخديجه!!
ابتسم =ولادنا
مشي وانا فاتحه بوقي، هو ايي الي بيحصل، انا مش فاهمه حاجه، هو ازايي يفكر في كده!! ازاي مبعدتش لما شكيت انه بيحبني، كنت على طول اقول دا عاقل مستحيل يحبني الا ك اخت بس طلع اهبل!!
كنت بتهـ،،ـرب منه، مخرجش البلكونه ولا اشوفه، منكرش انه أغلى حد في حياتيي، وانه وحشني هو والقهوه بتاعته، هو وضحكته ونصايحه التافهه، هو وحكاويي الليل ونصلي الفجر ونـ،،ـنام، هو ليي يعمل كده ويخليني اخـ،،ـاف اقرب تاني؟
عديي اسبوع، انا والله مش عاوزه اعلقه بيا عوزاه يفهم ان دا مستحيل يحصل، وانها اوهام في دماغه بس، هو انا اه كده بعـ،،ـاقب نفسي معاه بس تمم المهم يفهم
سمعت تخبيط على البلكونه الساعه 9 كنت عارفه انه هو، خدتت نفس وخرجته ببطئ وفتحت البلكونه وطلعت
_اهلا يا احمد، اخبارك
=..
_مالك زعلان من حاجه؟
=بصي يمريم انا مش هفرض نفسي عليكي، خلينا نرجع صحاب بس متبعديش، انا كل يوم اخرج على أمل انك تبقى في البلكونه بس مش بلقاكيي!! كنت عاوز اقولك انيي اترقت في شغلي وقد ايي كنت مبسوط وكنت عاوز افرحك عشان عارف انك هتفرحيلي، انسى كل الي حصل، انا عاوزك في حياتي ايا كان بقى بصفتك ايي المهم تبقى موجوده
_وحشتني يبرو
=والله وانتيي يروح البرو
فضلنا نتكلم وعملي قهوته الي مش بشربها غير من ايده، أو يمكن ملهاش طعم غير معاه!! احنا الاتنين نجحنا اننا نبقى نقط ضعف والبعد بيوجع، 8 سنين مش قليلين بردو!!
_هتخشي تصليي وتناميي حلو
=حاضر
_هدعيلك
ابتسمت =وانا كمان هدعيلك
لما يكون اسم شخص ملازمك في الصلاه، لما تمنعي نفسك تقولي اسمه بس تلاقي قلبك مره واحده كده بيدعيله، بيفتكره
دخلت صليت ونمت وصحيت على صوت ماما وهي بتصحيني
_ايوه يجدعان، ايي البيت الي محدش يعرف ينام فيه ليله دا!!
=كلمي ام احمد يلا بسرعه
صحيت وفوقت وروحتلها
_ايوه يطنط
=معلش يمريم، احمد ناسي ملف مهم جدا وعنده اجتماع النهارده
_دا لسه مترقي يخربيت نحسه دا وقته!!
=انتي عارفه الشركه بتاعته مش كده؟
_ثواني هلبس وهودهوله
لبست بسرعه دريل وطرحه، طب والله حتى واحنا سريعين جامدين اه والله، ربنا يحميني هه بهزر معاكم انا بتنمر على نفسي وقت فراغيي اصلا
ركبت تاكسيي وروحت للشركه وطلعت بسرعه على السلم وفتحت الباب وانا بنهج مش عارفه اجريي حتى إلهي يبتليك بنصيبه، لقيت بنت مقربه من أحمد واحمد قاعد يمضي على ورق
_مرييمم!! انتي اي الي جابك هنا
فضلت ساكته وبصاله هو والبنت الي جمبه
_طب اتفضلي انتي يمنيي، خدي الورق الي على المكتب
طلعت وهو جه وقف قداميي
=نسيت الملف، والملف اهو، خلاص كده خلصت، سلام
مسك ايدي وسابها تاني _ في ايي هو انا عملت حاجه؟
=لا خالص، بس عاوزه امشي
_بجد يمنيي مش عارف اقولك اي عشان الملف دا كان مهم اويي في اجتماع النهارده
=انا اسميي مريم علي فكره، مش عاوزه اعطلك انا ماشيه
منيي!! هو بيغلط في اسمي بجد؟ طب وهي كانت مقربه منه ليي كده؟ وهو مبعدش ليي طيب، انا ماليي!! هو حر بس مش حر يغلط في اسميي ويندهلي ب اسمها والله
روحت وفضلت قاعده على السرير، كنت بفتكر الموقف ومش عارفه لي شاغل تفكيري، يمكن اتلغبط عشان ضغط الشغل مش اكتر، بعد شويه لقيت البلكونه بتخبط
فتحت لقيته بينهج
_أنت المفروض مش تبقى في الشغل؟
=خلصت الاجتماع وجيت
_اه مع منيي؟
=اه كانت معانا و.. استنى اشمعنا!!!
_عاديي عشان سكرتيرتك ف اكيد مهمه
=مهمه جامد، وحلوه منتي شوفتيها
_اه شوفتها
=امي بتقولي انها مناسبه
_مناسبه ل اييي؟
=ليا
_اه، ربنا يتمم على خير، انا داخله عشان هنام
دخلت وقفلت البلكونه، هو ايي الي بيحصل!! وانا ليي هنفجر من الغيط، ولي قلبي حزين!! مهو اكيد هيخطب يعني و..
دخلت ماما
_حتى جلد نفسي في البيت دا ملهوش خصوصيه
=خبر حلو
_ها، قولي يكش نفرح ونخلص
=في عريس كلم باباكي وجاي يشوفك النهارده ولو فيه قبول هيجيب اهله ويخطبك
_هو انتي خطبتيني!! خطبتيني وانا واقفه كده، عاديي يعني خليه يجيي
=بجد!!
ابتسمت بمكر _ايوه طبعا
طلعت وانا طلعت من البلكونه وندهتله، محدش يسألني عملت كده لي عشان والله معارفه
_شكلنا هنفرح سوا
=مش فاهم
_متقدمليي عريس وجايي النهارده وأهلي موافقين
=نعم يروح امك!!
#بالحب نستطيع 💙
#مريم سمير 💙#الجزء التاني والأخير من الاسكربت
_متقدمليي عريس وجايي النهارده وأهلي موافقين
=نعم يروح امك!!!
_ايدا في ايي
=لا مفيش، انا جايي النهارده، مش على طول بتقولي اني اخوكي، لازم اكون جمبك في يوم زيي دا
_أنت هتيجي!!
=اكيد طبعا
_تمم ماشي، هنام انا بقى
دخلت وقعدت على السرير، لي كنت مستنيه انه يزعل مثلا!! لي زعلت لما لقيت ردت فعله بارده كده، مهو دا الطبيعي انه يحصل، ليي اضايقت لأول مره عشان قال انه اخويا!! ليي مش عارفه ألاقي زيهه، لي كل عريس بيقدم بحاول الاقي شبه احمد فيهم، بس مبلقاش!!
نمت بعد تفكير مش عارفه حتى اترجم الي جوايا دا اييي
نمت وماما دخلت صحتني
_قومييي بقيي، دا انتي غيبوبه يشيخه
=قايمه اهو
_يبنتي يلا قايمه اهو فين!! العريس على وصول
=خليه يكن لو جه عما اخلص
_يسمير
=خلاص والله قومت، بابا لا
قومت عشان انا عاوزه اقوم مش خايفه على فكره، لبست دريس ازرق وطرحه بيضه وطلعت
_شوفتي بقى اهو لسه مجاش، كان لازمتها اي تصحينييي!!
=زمانه جايي
_طب استني اناديي احمدد
روحت وخبطت وفتحلي
_يواد يحلو انت
=شكلي حلو؟
_اه حلوه جامد
ابتسمت= مش هتلبس!!
_ثواني وهخلص
يبني أرفض اعمل اي رد فعل متوافقش على طول كده!!
لبس وجه عندنا وقعدت انا وهو في الصالون كان هو قاعد قدامي
_متوتره؟
=ايوه، كأنه اول عريس يجي
_اعملي بروفه طيب
خدتت نفس=انا اسمي مريم عندي 26 سنه متخرجه من كليه تجاره و.. وبس
_نسيتي تقولي اهم حاجات على فكره
رفعت حاجبي=الي هي؟
_وجدعه اويي يعني هتبقى معاك في الوحشه قبل الحلوه، ممكن تصالحها بضحكه منك، أو حتى ابتسامه، قلبها يساع الدنيا كلها والله، طيبه ممكن توصل طيبتها للغباء ساعات، هتساعدك وتاخد ب ايدك، مهما كنتوا على خلاف واحتجتها هتلاقيها ب ميت راجل من صحابك الي هو انت محتاجني دلوقت أركن اي زعل بينا ونتعاتب بعدين لما تبقى كويس ، اول متحس انك مضايق هتعمل اي حاجه عشان تضحكك، فيها حاجات مش موجوده في حد تاني، هي مريم الي عندها 26 سنه الي متخرجه من كليه تجاره الي يبخت ايي حد هتحبه وهيتحوزها والله
ابتسمت مكنتش عارفه اقوله اي حطيت راسي في الأرض وماما دخلت وجه وراها العريس
قعدوا وماما وبابا طلعوا عشان قاعده التعارف
_احمد!!!
